Süpüshi tü wanüikinjatkat

Pütchi süchiki Nuluwataaya Maleiwa Nuum. 38

«Yaapünashii eitajüin waya karalouktakat tüü sümüin wayuu otta eitajünüsü shia sainküin Mmaka süpüshuaʼa. Anuusaʼa tü pümüinjatkat.»

Pütchi: Süpüla weitajüinjatüin tü karalouktakat sümüin wayuu süpüshuaʼa, motsoʼo wamaa. Waashajaale nümaa wanee wayuu eekai kamalain nümüin tü pütchikat, eeshi süpüla wasakirüin nia süchiki tü asakiraa suluʼukat süpana waneesia, waashajeʼera nümüin tü sümakat Aluwataaushikana 24:15 suluʼujee tia karalouktakat jee shiale waashajaain nümaa süchiki waneeirua kasa yalaka suluʼu. Süpülapünaa woʼunüin, eeshi süpüla wasakirüin nia sünain tüü: «¿Kasanainjeeshii laülaaka jee ouktaka waya?». Otta waküja nümüin waleʼejeenain wachikuaʼa süpüla wekirajüin nia sünain tia pütchikat.

Aapiria Wayuu Nowienpüroʼu 1

«Wainma na wayuu manoujüinkana nünain Maleiwa sutuma tü alawaa aküjünakat nüchiki. ¿Pütüjaa aaʼu jaralüin tü alawaa aküjünakat nüchiki Maleiwa? [Puuʼulaa nusouktai.] Saashin tü Wiwüliakat, keeʼireesü naaʼin Maleiwa alinjachin nia wapüla otta wanoujüinjanain nünain [paashajeʼera Isaías 41:13]. Aküjünüsü suluʼu rewiisütakat tüü, apünüinsü alawaa aküjünaka nüchiki Maleiwa süpüla nakayalaain na wayuukana nuulia.»

¡Despertad! Nowienpüroʼu

«Mojusü maʼin nakuwaʼipa na wayuukana maaʼulu. ¿Kasa eeka süpüla püküjüin süchiki nakuwaʼipa na wayuu kepiakana pejepünaa pünain? [Puuʼulaa nusouktai.] Süküjatüjülia tü Wiwüliakat mojuinjatüin maʼin shiʼipaʼaya sukuwaʼipa tü wayuukalüirua maaʼutpünaa [paashajeʼera 2 Timoteo 3:1-5]. Aküjünüsü suluʼu rewiisütakat tüü, jamüin aneetka maʼin wakuwaʼipa müleka woonoole sümaa tü sümakat tü Wiwüliakat.»