Tü anakat maʼin sünain waʼyataain

Kolonpia: Chaʼayaa Bogotá, soʼu tü kashikat juulioʼu 27, 2014, ojutaasü tü chiiruaajatkat Ekirajawaa sünain tü Wiwüliakat napüla na Anoujüshii Kaʼwayuusekana. Aainjünüsü aipiruatua tia ekirajawaakat. Otta tü Ekirajawaakat sünain tü Wiwüliakat napüla na Tooloyuu Maʼwayuusekana, aainjünüsü shia aipiruatua shikii waneemüin. Soʼujee settienpüroʼu 2014, oʼtteerü tü kanüliakat Ekirajawaa napüla na Aküjüliikana Pütchi. Sünain tia ekirajawaakat oʼuneerü jieyuu otta tooloyuu eekai maʼwayuusein namaʼaleʼeya na kaʼwayuusekana. Ekirajünüshii nutuma Jeʼwaa na wayuu aʼyataakana nümüin süpüla naainjüinjatüin tü nüchekakat napüleerua (Heb. 13:21).