Waneepiashi Job nümaa Maleiwa mayaainjeʼe niʼrüin müliaa

Chajachi Job kepiain Uz wanaa sümaa achepchieein na israeliitakana Egipto. Nuʼwaajüin Jeʼwaa waneepia mayaainjeʼe nnojolin israeliitain nia. Wainma nüpüshi otta washirü nia. Wayuu kojutüshi nia atumawaa süka kekiin maʼin nia jee lotuin nukuwaʼipa. Nükaaliinjain na wayuu maʼletsekana jee waneepiashi nia nümaa Maleiwa.

Palajanashi Jeʼwaa waneepia suluʼu nukuwaʼipa Job

1:8-11, 22; 2:2-5

• Niʼrüin chi Yolujaakai waneepiain Job nümaa Maleiwa. Aʼyataashi neʼe Job naashin süka naapüin Maleiwa wainma kasa nümüin.

• Naashin Satanaa aʼyataashi Job nümüin Jeʼwaa saaʼu washirüin nia.

• Süpüla sütüjaanüin aaʼu müleka shiimainre tü nümakat chi Yolujaakai, nuuʼulaain Jeʼwaa Job najapuluʼu Satanaa süpüla nümaʼülapalain nia. Müliasü maʼin naaʼin Job.

• Süka waneepiain Job nümaa Maleiwa, nayainnapa joo niyoujaka Satanaa na wayuukana napüshuaʼa.

• Nnojotsü mojuin nünüiki Job nümüin Maleiwa otta nnojoishi nia nüliʼrajüin sünainjee tü müliaa niʼrakat.