«Kojut pütüma püshi otta püi»

Wanaa sümaa yaajachin Jesuu mmapaʼa nuluwataain na wayuukana sünain kojutuinjachin natuma nashi otta nei (Éx 20:12; Mt 15:4). Kaawainsü nünüiki süka jüüjüüin nia namüin na kachonniikana nia (Lu 2:51). Miyoʼupa Jesuu nüchajaain sukuwaʼipa süpüla anainjatüin tü niikat nüchitpünaa (Jn 19:26, 27).

Anasü nashatüle nukuwaʼipa Jesuu na jimaʼaliikana otta na majayünnüükana, anashi kojutule natuma nashi sümaa nei otta noonoole sümaa nanüiki jee na ataralaainnakana, ayatüinjana kojutuin namüin nashi otta nei. Jaʼitainna laülaain na kachonshiikana waya jaa müinjana waya namüin wachiaanüle natuma (Pr 23:22). Wakaaliinjüinjana naya choʼujaapa wanee kasa namüin otta wamüliajüinjana aaʼin mojule naaʼin (1Ti 5:8). Jaʼitairü jetsüin wouyase anasü wakatarüle kaʼi süpüla waashajaain namaa.

SÜCHIKIJEE JÜNAJÜIN TÜ VIDEOKOT ¿JAMÜINJATÜ PÜNÜIKI PAASHAJAAPA SÜMAA PII OTTA PÜSHI? JUSOUTA SHIʼIPAJEE TÜÜ:

• ¿Jamüsü eejeetka kaʼi kapüleejeetka oʼu pümüin aashajawaa namaa na wayuu kachonniikana pia?

• ¿Kasa paaʼinrajatka süpüla kojutuin pümüin na kachonniikana pia paashajaapa namaa?

  

• ¿Kasa anaka aluʼu paashajaale nümaa püshi otta pii? (Pr 15:22).