KOROLO KOJUTUSÜ SULUʼUKA TÜ WIWÜLIAKAT | MATEO 20, 21
«Chi wayuu laülaweekai jaʼaka, acheküshi jüüjüüinjachin jümüin jüpüshua»
Shia nachekaka maʼin na karaloʼutamaajanakana otta na fariseokana neʼnnaajünüin otta nasakünüin pülaasapaʼa.
Nachajaain maʼin sukuwaʼipa na karaloʼutamaajanakana otta na fariseokana süpüla neʼnnaajünüin otta kojutuin naya sutuma wayuu (Mt 23:5-7). Naatapejeʼe maʼin nukuwaʼipa Jesuu. Müsü nünüiki: «Nnojoishi antüshin taya süpüla shiʼyataainjatuin wayuu tamüin, aluʼujasa süpüla taʼyataainjachin sümüin wayuu» (Mt 20:28). Jülüja waaʼin wakuwaʼipa. ¿Shiache kamalainka neʼe wamüin aʼyatawaa nümüin Maleiwa sünain wanee kasa eʼnnaajünaka anainjee waya? Kojuteena waya nümüin Jeʼwaa washatüle nukuwaʼipa Jesuu otta wachajaale sukuwaʼipa süpüla wakaaliinjain na waneinnua. Nia neʼe Jeʼwaa atüjaaka saaʼu tü kasa anasü waaʼinrakat jaʼitairü nnojoluin shiʼrüin shia wayuu (Mt 6:1-4). ¿Kasa naaʼinraka chi wayuu nnojoikai yaletüin aaʼin?
Akaaliinjüshi sünain anoutaa wanee kasa suluʼu tü Piichi Outkajaaleekat.
Nüchajaain sukuwaʼipa süpüla nükaaliinjain na wawalayuu laülaainnakana otta na waneinnua.
Nüsülajüin süpüshi nünneetse süpüla süküjünüin pütchi sainküin mma.