Ayataʼaya eejüin jaaʼin

25:1-12

Mayaapejeʼe nayain na chainjanakana iipünaa na nüküjakana amüin Jesuu süchiki tü poloosükat majayünnüü, jalouisü tia pütchikat namüin napüshuaʼa na anoujashiikana (w15 3/1 süp. 13-17). «Anakaja müleka yapale jia sünain eein jaaʼin tapüla tayakai, süka taleʼejüinjachin tachikua jünainmüin soʼuweena wane kaʼi matüjaajuukat aaʼu jütüma» (Mt 25:13). Püküja jamaluʼuluin tü pütchi nüküjakalü achiki Jesuu.

• Chi Kaʼwayuuseinjachikai (w. 1): Nia Jesuu.

• Majayünnüü kekiikana maʼin (w. 2): Na chainjanakana aluwataain iipünaa, eejüsü maʼin naaʼin otta naaʼinrüin tü nuluwataakalü anain naya Jesuu. Müshii aka saaʼin tü jolotsükalüirua chakat iipünaa chuwatuuika saʼakapünaa tü piyuushikat (Flp 2:15).

• «Anii antüin chi kaʼwayuuseinjachikai» (w. 6): Shiyaawasesü sülüʼülüin nükalia süpüla nüleʼejüinjachin Jesuu nüchikuaʼa.

• Majayünnüü maaʼinkana aaʼin (w. 8): Naya na chainjanayaakana aluwataain iipünaa nnojoliika eejüin aaʼin otta nnojoliika waneepiain nümaa Jesuu.

• Na majayünnüü kekiikana maʼin nnojoishii asülajüin seita (w. 9): Kettaapa nejeetse na anoujashii chainjanakana aluwataain iipünaa, nnojoishii süpüla nakaaliinjain na anoujashii akatalaakana nuulia Jesuu.

• «Antüshi chi kaʼwayuuseinjachikai» (w. 10): Aleʼejüinjachi nüchikuaʼa Jesuu süpüla süsalainjatüin saainjala wayuu mojulaasü süpülapünaa sajaʼttüin tü müliaa miyoʼusükat.

• Na majayünnüü kekiikana maʼin, ekerotokana sünainmüin tü ekawaakat jee asürünnüsü soʼu tü miichikat (w. 10): Kottüshii nutuma Jesuu napüshuaʼa na chainjanakana aluwataain iipünaa nümaa.