Outushi Jesuu napüleerua wawalayuu

Outushi Jesuu saaʼu wayuu kaainjarannuu (Ro 5:8). Anasü maʼin wamüin niiʼiyatüin Jesuu alin waya nüpüla. Nnojoluinjatpejeʼe motuin waaʼin outuin nia saaʼu naainjala na wawalayuukana, kaainjalashii naya maʼaka waaʼin wayakana. Wekirajaa sünain aapünüinsü kasa weeʼiyatüinjatka aka alin wapüla na wawalayuukana maʼaka naaʼinrüin Jesuu. Tü palajatkat shia waʼaleewajaainjanain namaa na naatakana akuwaʼipa woulia (Ro 15:7; 2Co 6:12, 13). Tü piamakat, eejüinjatü waaʼin suulia mojujain naaʼin na waneinnua sutuma tü waaʼinrakat jee tü wamakat (Ro 14:13-15). Otta tü chiiruaajatkat shia motomaatüinjatüin waaʼin naainjala na waneinnua (Lu 17:3, 4; 23:34). Wachajaale sukuwaʼipa süpüla washatüin nukuwaʼipa Jesuu, paaʼinwajiraajeena na wawalayuukana otta kotteena naya nutuma Jeʼwaa.

SÜCHIKIJEE JÜNAJÜIN TÜ VIDEOKOT ¡ANAʼLEEINJATIA PUKUWAʼIPA!, JUSOUTA SHIʼIPAJEE TÜÜ:

• 

  ¿Jamapuʼusü sünüiki Miki nachiki na suutkajaakana amaa?

• 

  ¿Jamüsü suʼwanajaaka tü jülüjakat saaʼin?

• 

  ¿Jamüsü sunoutaka Miki tü jülüjakat saaʼin sutuma tü nukuwaʼipakat Jesuu? (Mr 14:38).

• 

  ¿Jamüsü süpüla anain tü jülüjakat waaʼin nachiki na wawalayuukana sutuma tü sümakat Proverbios 19:11?