Sujutalüin saanükü tü mmakat süpüla tü wüinkat

Kakaliairü akaalinjünüin tü nupueulosekat Jeʼwaa natuma na sülaülashiikana mma (Esd 6:1-12; Est 8:10-13). Maaʼulu yaa, sujutalüin saanükü tü mmakat süpüla tü wüinkat. Tü «mmakat», nayaawase waneinnua wayuu kaawainkana anüiki jee nayale kojuyashii wayuu anamiakana sümüin nupueulose Jeʼwaa otta tü wüinkat, shiyaawase tü müliaa neʼrakat na aʼyataakana nümüin Maleiwa nutuma Satanaa (Alat 12:16). Jeʼwaa chi Maleiwa oʼtteʼerakai wayuu, niʼitaain suluʼu naaʼin na aluwataaliikana nakaalinjainjatüin tü  nupueulosekat (Sl 68:20; Pr 21:1).

¿Jama püreesale pia saaʼujee punoula? Nnojo motuin paaʼin naaʼinmajüin pia Jeʼwaa (Gé 39:21-23; Sl 105:17-20). Eʼreechi pia kasa anasü ayatüle püchecherüin paaʼin sünain anoujaa otta katchinjeerü naaʼin na wawalayuukana napüshuaʼa sutuma waneepiain pia nümaa Jeʼwaa (Flp 1:12-14; Alat 2:10).

SÜCHIKIJEE JÜNAJÜIN TÜ VIDEOKOT OJUʼITÜSHII NA WAWALAYUU COREAJEʼEWALIIKANA SULUʼUJEE TÜ KAATSETKAT, JUSOUTA SHIʼIPAJEE TÜÜ:

• ¿Jamüshii püreesaka soʼu wainma juya na wawalayuu chakana Corea del Sur?

• ¿Kasa aneekünaka suluʼu tü laülaapiakat chaa Corea süpüla najütünüin achiki na wawalayuu püreesakana?

• ¿Kasa eeka süpüla waaʼinrüin napüleerua na wawalayuu püreesakana saaʼujee tü nanoulakat?

• ¿Kasa eeka süpüla waaʼinrüin maaʼulu sutuma taashin waya?

• ¿Jarai chi aʼwaajünüinjachikai sutuma nakanajüin na wawalayuukana chaa laülaapialuʼu?