Wachechera waaʼin maaʼulu süka sülüʼülüin tü kaʼi sajaʼlajaainjatkalü oʼu kasakat süpüshuaʼa

¿JAMÜSÜ CHOʼUJAAKA? Sülatapa wainma kasa nnojotka weʼrüirüin, watüjaajeerü aaʼu shiimainre weʼitaain waaʼin nünain Jeʼwaa jee meimmoluin waya. Oʼtteerü tü müliaa miyoʼusükat sushutünapa aaʼu tü iküleesia ekirajakalü alawaa nüchiki Maleiwa (Mt 24:21; Alat 17:16, 17). Soʼu kaʼikat tia, eeshiijaʼa süpüla waküjeenain wanee pütchi airuʼuleetka namüin na weʼipolokana (Alat 16:21). Nushuteena aaʼu waya Gog chi chejeʼewaikai Magog (Eze 38:10-12, 14-16). Shiasaʼa süchikijee tia, oʼtteerü tü atkawaakat nutuma Jeʼwaa, chi Maleiwa Pülashikai maʼin (Alat 16:14, 16). Süpüla meimmoluinjanain waya soʼu kaʼikat tia, acheküsü wachecherüinjatüin waaʼin maaʼulu soʼunnaa tü kasa ooʼulakünakalü aka waaʼin.

ANUU SUKUWAʼIPAINJATKA:

• Wuleinjatü wakuwaʼipa wanaapünaa sümaa tü nuluwataakalü anain waya Jeʼwaa (Is 5:20).

• Paaʼinwainjana waya namaa na wawalayuukana sünain aʼwaajaa Jeʼwaa (Heb 10:24, 25).

• Waaʼinramaatüinjatü tü sümakat nupueulose Jeʼwaa (Heb 13:17).

• Wasakireʼerüinjatü waaʼin süchiki tü naaʼinrapuʼukat Jeʼwaa süpüleerua nupueulose (2Pe 2:9).

• Oʼuraajüinjana waya nümüin Jeʼwaa jee weʼitaainjatü waaʼin nünain (Sl 112:7, 8).

SÜCHIKIJEE JÜNAJÜIN TÜ VIDEOKOT MEIMMOLUINJANA WAYA SÜPÜLA TÜ KASA ALATAJATKAT (SHIʼIPA NEʼE), JUSOUTA SHIʼIPAJEE TÜÜ:

• 

  ¿Kasa naaʼinraka waneinnua wawalayuu wanaa sümaa nalateʼennüin suluʼu wanee outkajaalee?

• 

  ¿Jamüsü wanaawaka nukuwaʼipa wanee wayuu eekai meimmoluin nümaa wanee wayuu eekai jüüjüüin?

• 

  ¿Jamüshii meimmoluinjanaka waya soʼunnaa Armagedón?

• 

  Süpüla sükatchinraain wanoula sünain nuʼtteʼereenain waya Jeʼwaa, ¿jarat tü pütchi suluʼukat tü Wiwüliakat akaalinjeenaka waya? (2Cr 20:1-24).