Wanee anua miyoʼushaata

WANEESIA nuʼwayuuse Noé otta apünüinshii nüchonnii. Sem, Cam otta Jafet nanülia. Kaʼwayuuseshii naya, makalaka mekiisalüin wayuu nüpüshika Noé.

Mapa nuluwataain Maleiwa Noé sünain akumajaa wanee anua miyoʼushaata. Tü anuakat müsü aka saaʼin wanee kaaja miyoʼu. Müshi Maleiwa nümüin Noé: ‹Pukumaja shia maʼaka saaʼin wanee piichi apünüinsü iipünaamüin otta kataüjia putuma›. Tia nüpülajatü Noé sümaa nüpüshi otta mürüt sümaa eküülü.

Naashin Maleiwa nnojoluinjatü ekeroluin wüin suluʼu tü anuakat. Müshi nia: ‹Taʼitireerü wanee juya miyoʼushaata süpüla tajaʼttirüin na wayuu nnojoliikana suluʼuin tü anuakat›.

Oonooshi Noé otta na nüchonniikana nümüin Maleiwa, makalaka nakumajüin tü anuakat. Akanasaʼa na wanee wayuukana asirajüshii neʼe, ayatüshii mojulaain. Nnojotsü nanoujuin nünüiki Noé.

Kakalia nakumajüin tü anuakat süka miyoʼuin shia. Kettaapa shia nuluwataain Maleiwa Noé süpüla nikerotirüinjatüin wanee mürüt jierü otta wanee toolo. Süpüshi tü wanee mürütkalüirua nikerotirüinjatü akaratshisü. Naainjüin Noé süpüshuaʼa tü nümakat Maleiwa.

Süchikijee, nikerotaka Noé sümaa nüpüshi suluʼu tü anuakat, nüsürütka Maleiwa soʼu tü anuakat. Suluʼupa naya naʼatapajüin tü juyakat. Kanain paaʼin yalale pia namaa. ¿Aʼiteetchejee tü juyakat nutuma Maleiwa?