Ichiijaasü nuʼwayuuse Lot

KEPIASHI Lot nümaa Abraham Canaán. Soʼu wanee kaʼi nümaka Abraham nümüin Lot: ‹Nnojotsü miyoʼuin tü mmakat süpüla wamülüin. Anakaja wakatalaale, puʼunule suluʼumüin wanee mma oʼuneechi taya suluʼumüin wanee›.

Nukolojooka Lot sümaa nüpüshi Sodomamüin süka miyoʼuin wüin suluʼu otta wainmain alama süpüla mürüt.

Mojulaashii maʼin na wayuu kepiakana Sodoma. Mojusü tia nümüin Maleiwa otta nümüin Lot süka anamiain nia. Mapa nuluwataaka Maleiwa piamashii aapiee süpüla naküjüin nümüin Lot najaʼlajeʼerüinjatüin Maleiwa tü mmakat Sodoma otta Gomorra.

Namaka na aapieekana nümüin Lot: ‹¡Pümayaa! ¡Pujuʼita yaajee sümaa puʼwayuuse otta tü piamasükat püchon!› Kamaʼaka naya makalaka najattünüin otta nojuʼitinnüin natuma na aapieekana. Nümaka nuwalaʼata chi aapieekai: ‹¡Juwataa kateere joʼu! Nnojo jiirakaain jüchiiruajee. Juwataa wünaʼapümüin süpüla katüin joʼu›.

Oonooshi Lot otta na nüchonniikana namüin na aapieekana, oʼunushii Sodomajee. Nnojoishii ashaʼwalaain otta eirakaain nachiiruajee. Akatsaʼa tü nuʼwayuusekat nnojotsü oonooin sümüin nanüiki. Kaʼyatapa shia süshaʼwalaaka otta shiirakaaka süchiiruajee. Ichiijaaka shia. Piirakaa sümüin suluʼu tü ayaakuaakat.

Tia shikirajüin waya sünain katüin noʼu nutuma Maleiwa na oonookana nümüin, na nnojoliikana aainjüin tia ouktushii.