Ajütünüshii na israeliitakana otta aluwataashi Saúl

Nüntirüin Moisés na israeliitakana eemüin tü uuchikat Sinaí süchikijee noʼunuin Egiptojee. Nüküjüin Maleiwa chaaʼaya tü nuluwataakat anain naya. Mapa nuluwataaka Moisés 12 ajayajülii süpüla nanalüin tü mmakat Canaán. Mojuka nanüiki 10 ajayajülii, neiteʼereein Egiptomüin na wayuukana. Süka manoulain na israeliitakana kepiaka naya 40 juya isashiipaʼa.

Mapa aneekünüshi Josué süpüla nüntirüin na israeliitakana Canaánmüin. Süpüla nasütüin tia mmakat josojaasü nutuma Jeʼwaa tü süchikat Jordán, nujuttirüin süsepü Jericó otta jimatüshi nutuma chi Kaʼikai soʼu wanee kaʼi. Sülatapa 6 juya nasütaka tü mmakat Canaán.

Kekiipuʼujanashii na israeliitakana nutuma Jeʼwaa soʼu 356 juya, chi palajachikai nia Josué. Ekirajaweena waya nüchiki Barac, Gedeón, Jefté, Sansón, Samuel otta müsia süchiki Rahab, Débora, Jael, Rut, Noemí otta Dalila. Alatüsü 396 juya sünain tü APÜNÜINKAT Shiʼipa.