¿Jamüshii ouktaka waya?

8 Keeʼireesü naaʼin Jeowa anainjatüin süpüshuaʼa tü Mmakat natuma na wayuukana... paraiisüinjatü süpüla talatüin naya suluʼu (Génesis 1:28).

Katüsüjee soʼu wayuu waneepia noonoole Adán otta Eva nümüin Maleiwa. Nüchiaain naya suulia neküin süchon tü wunuʼu atüjaanakat atuma saaʼu tü kasa anasükat jee tü mojusükat (Génesis 2:15-17).

9 Mojulaajaashi wanee aapiee otta naashajeʼeraka wanee wüi süpüla shiʼrüin wayumüin Eva nümaa Adán nümüin Maleiwa (Génesis 3:1-6).

10 ‹Wüi nümaiwajachi otta Satanás chi Yolujaakai›, münüshi chi aapiee emeejakai Eva (Alateetkat Mapeena 12:⁠9).

11 Nüjünajaain Jeowa na eʼrüliikana wayumüin suluʼujee tü Paraiisükat (Génesis 3:23, 24).

12 Kachonshi Adán sümüin Eva, akanasaʼa naya nnojoishii talatüin (Génesis 3:17, 18).

13 Laülaainjana jee ouktuinjana naya maʼaka nüküjüin Jeowa (Génesis 3:19; Roma 5:12).

14 Ouktushii naya maʼaka naaʼin na mürütkana.

Ouktushii napüshuaʼa na katakana oʼu saaʼu tü mmakat (Eclesiastés 3:18-20; Ezequiel 18:4).