Nuluwataain wamüin Jeowa wanee Oʼtteʼerüi

29 Müshi aka niʼiruma Maleiwa chi wayuu meʼrujusai nukumalakai palajana.

Aishi maʼin nia nüpüla Maleiwa. Nuluwataajeechi nia sünain ajaʼttiraa na mojulaashiikana otta noʼtteʼereena na jaa makana (Juan 3:16, 36).

30 Nuluwataain Jeowa chi Nüchonkai süpüla jemeijachin nia Mmapaʼamüin. Jesús nünülia. María sünülia tü niikat (Lucas 1:30-35).

31 Miyoʼupa Jesús ekirajüshi süchiki wainma kasa anasü. Ekirajüshi niain neʼe Jeowa chi Maleiwa shiimainkai (Marcos 12:29, 30).

Nia neʼe Jeowa waʼwaajüinjachika naashin Jesús (Mateo 4:10; Juan 4:23, 24).

Otta müsia, nikirajüin na wayuukana süchiki nuluwataaya Jeowa (Lucas 17:20, 21).

32 Niiyajüin Jesús na ayuuikana otta maainjüinsai nia kasa mojusü (Aluwataaushikana 10:38; 1 Pedro 2:21, 22).

Akatsaʼa, ¿kasa naainjaka süpüla nuʼtteʼerüin waya suulia kaainjalaa jee ouktaa?

33 Aapajiraashi nikii süpüla nuʼtteʼerüin na anamiashiikana. Sümaiwa nuluwataain Maleiwa na wayuukana sünain oʼutaa saaʼin mürüt saaʼu naainjala (Hebreokana 7:25, 27).

34 Nnojoishi oʼutuin saaʼin mürüt Jesús. Aapajiraashi nikii waaʼu (Mateo 20:28; Hebreokana 10:12).

¿Jamüsü naainjaka tia?