¿Kasa paainjüinjatka?
50 ¿Kateesü poʼu waneepia suluʼu tü Paraiisükat?
Pikirajaa sooʼomüin süchiki tü nümakat Maleiwa. Pikirajaa sünain aashajeʼeraa tü Wiwüliakat (Juan 17:3; Alateetkat Mapeena 1:3).
51 Pikirajaa sooʼomüin nüchiki Jesús (Deuteronomio 18:18, 19; Juan 3:16; Aluwataaushikana 3:19-23).
52 Paainja tü kasa anasükat otta poonoo nümüin Jeowa (Roma 6:17, 18, 22).
53 Soto paaʼin mojuin oʼutaa saaʼin wayuu naashin Jeowa (Mateo 5:21; 1 Juan 3:11, 12).
54 Nnojotsü waʼluwajüinjatüin sükorolo wayuu (Mateo 19:18; Éfeso 4:28).
55 Nnojoishi kepiajiraainjachin wanee wayuu sümaa wanee jierü otta nüinkaain sümaa, aluʼusaʼa kasaalüle nia sümaa (Mateo 5:27; 1 Tesalónica 4:3).
56 ¿Sotusü paaʼin jeʼrainjatüin nuʼwayuuse chi wayuukai naashin Maleiwa? ¿Jeʼrainjachi kaʼi nia sümaa nuʼwayuuse? (Génesis 2:22, 24; Mateo 19:5, 6; 1 Corinto 7:2, 10, 11).
57 Soto paaʼin, niainjachin neʼe waʼwaajüin Jeowa (Mateo 4:10; 1 Corinto 8:6).
58 Nnojoishii süpüla sükaaliinjüin waya tü ayaakuaa aʼwaajünakat. ¿Jamüsü? (1 Corinto 8:4).
¿Anasü wamaʼanale tü ayaakuaa aʼwaajünakat? (Deuteronomio 27:15; 1 Juan 5:21).
59 ¿Jamüsü mojuka kamaʼanale waya lania otta wunuʼu süpüla anain wakuwaʼipa? (Deuteronomio 18:10-13; Alateetkat Mapeena 21:8).
60 Na aapiee mojulaashiikana, eʼrüliijaashii wayumüin nümüin Maleiwa. Naʼyateʼerüin na ooʼulaküliikana süpüla nemeejüin na wayuukana (Aluwataaushikana 16:16).
61 Aashajaainjana waya nümaa Maleiwa. Waküjüinjatü waʼyataweein nümüin otta wachuntuin nükaaliinjüin waya (Filipos 4:6, 7).
62 Oonooinjana waya nümüin Jesús otta weʼitaainjatü waaʼin nünain (Hebreokana 5:9; Juan 3:16).
63 Soto paaʼin ouktuin nia süpüla katüin woʼu (Roma 5:8).
64 Soto paaʼin niain Jesús chi Aluwataai meʼrujusaikai. Oonooinjana waya nümüin (Filipos 2:9-11; Alateetkat Mapeena 19:16).
65 Naashin Jesús, püküjüinjatü namüin na waneeinua tü pikirajaakat anain otta na aʼyataweekana nümüin Maleiwa awoutisaajüinjana (Mateo 28:19, 20; Juan 4:7-15).
66 Makalaka eein süpüla püküjüin tia kasa anasükat namüin na paʼaleewainkana (Mateo 10:32).
67 Pikirajaale süpüla anain paashajeʼeria, pütüjaajeerü aaʼu wainma kasa otta pükaaliinjeena maʼin na waneeinua (2 Timoteo 2:15).
68 Nikirajüin Jesús na tepichikana sünain oonowaa nümüin Maleiwa. Akatatshi nia kaʼi süpüla naashajaain namaa (Mateo 19:13-15).
69 Nekirajüinjana na wayuukana nachonnii sünain oonowaa nümüin Maleiwa otta alin nia napüla (Deuteronomio 6:6, 7; Colosas 3:20; Éfeso 6:4).
70 Wainma maʼin tü iküleesiakalüirua. Soʼutku tü shikirajakat nnojotsü suluʼujeejatüin tü Wiwüliakat. Naashin Jeowa, ojuʼitajana waya suluʼujee tü iküleesia nnojotkat ekirajüin tü shiimainkat (Alateetkat Mapeena 18:4; Juan 4:23, 24).
71 Eeshii süpüla nekirajüin pia nüchiki Jeowa na wayuu aʼyataakana nümüin saaʼu tü Mmakat. ¿Pütüjaa aaʼu jaralii naya? (Aluwataaushikana 15:14; Roma 10:14, 15, NM).
72 Naya na aküjüliikana pütchi nüchiki Jeowa. Nnojoishii atkaajiraain naya. ¿Jamüsü? Shia süka aijiraain naya (Isaías 43:10-12; Juan 13:34, 35).
73 Sükajee alin Jeowa napüla awoutisaajüshii. Sutuma tia neeʼiyatüin suʼupala wayuu nooʼulaain tü kasa mojusü naainjapuʼukat otta nacheküin naʼyataweein waneepia nümüin Maleiwa (Aluwataaushikana 2:41).
74 Na aküjüliikana pütchi nüchiki Jeowa kepiainjana suluʼu tü Paraiisükat (Salmo 37:9-11, 29).
¿Kasa paainjüinjatka süpüla kepiain pia namaa suluʼu tü Paraiisükat? (Santiago 1:22, 25; 2:20-26).
75 Piʼyataajiraa namaa nümüin Jeowa. Aishi napüla Jeowa nümaa Jesucristo otta oonooshii namüin. ¿Aishii naya püpüla? ¿Pükaaliinjeein na waneeirua süpüla neʼraajüin Maleiwa? (Juan 6:45-47).
76 Aishii jia nüpüla Jeowa nümaa Jesucristo otta nacheküin kepiain jia waneepia suluʼu tü Paraiisükat (Juan 3:16).
Keeʼireesü paaʼin kepiain pia waneepia suluʼu tü Paraiisükat sutuma tü ayaakuaa piʼrakat otta tü pütchi pikirajaakat anain suluʼu karalouktakat tüü. Pikirajaweere sooʼomüin, paashajaa namaa na aküjüliikana pütchi nüchiki Jeowa pejeka pünain. Eesü süpüla püshajüin jee püshajirüin karaloukta namüin na aküjüliikana pütchi nüchiki Jeowa pejeka pünain, maʼaka süshajünüin suluʼu tü süpanakat piama.