Wainma maʼin na meʼrujusaliikana

Wainma maʼin na meʼrujusaliikana saashin tü Wiwüliakat. Jeʼwaa meʼrujusai nia (Juan 4:24; 1 Timoteo 1:17).

Nümüiwaʼajachi Jeʼwaa nümaiwa chaaʼaya sirumatuʼu. Nukumajaka na meʼrujusaliikana, na aapiee münakana. Pülashii otta atüjüshii maʼin naya noulia na wayuukana. Wainma na aapiee nukumajalakana Jeʼwaa; Daniel wanee wayuu aʼyataashi nümüin Maleiwa niʼrüin wainma maʼin aapiee (Daniel 7:10; Hebreokana 1:7).

Nukumajüin Maleiwa na aapieekana süpülapünaa nukumajüin tü Mmakat (Job 38:4-7). Na aapieekana nnojoishii nayain na wayuu ouktuinnapakana.