¿Jamüsü sukumajünaka Piichi Outkajaalee?

Tü pütchi ekirajaanakalü anain suluʼu tü Piichi Outkajaaleekat, sünainpünaasü Nuluwataaya Maleiwa, tü nikirajapuʼukat maʼin anain Jesuu (Lucas 8:1).

Aʼwaajülee chi Maleiwa shiimainshikai. Akumajünüsü sukuwaʼipa yalejee tü aküjaakat pütchi (Mateo 24:14). Naatawaisü sajaʼapüin jee sukumajia, eesü suutkajaale kojuyasü outkajaalee suluʼu wanee Piichi Outkajaalee. Wainmashaatairü Piichi Outkajaalee wakumajaka; akumajünüsü maʼaka jaʼraisü soʼukaiwai süka kooʼomüin maʼin na wawalayuukana. ¿Jamüsü wainkaka waainjüin tia? (Mateo 19:26.)

Akumajuushi süka tü nasülajakat na wawalayuukana. Tü nneerü akotchojunakat, aluwataanüsü Weteetmüin. Nojuyaaja namüsia shia na wawalayuukana süpüla nakumajüin wanee piichi outkajaalee jee shiale süpüla nanaatüin tü namaʼanakat. Nnojotsü achekajünüin süchon tü nneetkat.

Akumajuushi masaloui natuma na wawalayuukana. Suluʼu wainma mma, eeshii Wawalayuu Akumajülii Piichi Outkajaalee. Matüjüinsalii jimataa naya, oʼunawaishii suluʼumüin wanee mma süpüla nakaaliinjüin na wawalayuukana sünain akumajaa tü Piichi noutkajaaleinjatkat. Jee suluʼu waneeirua mma, eeshii waneeinnua wawalayuu akumajülii sukuwaʼipa sukumajia wanee Piichi Outkajaalee jee shiale sünaateʼeria. Mayaapejeʼe natüjüin süpüleerua akumajaa piichi, naya akumajaka tü Piichi Outkajaaleekat na koutkajaaleinjanakana shia. Eesü tia nutuma chi naaʼinkai Maleiwa otta sutuma naʼyataain waneepia na wawalayuukana (Salmo 127:1; Colosas 3:23).

• ¿Kasa wountaka atuma wakumajüin Piichi Outkajaalee?