PÜTCHIPÜLEE SULU'UKA INTERNET sutuma Watchtower
PÜTCHIPÜLEE SULU'UKA INTERNET
sutuma Watchtower
Wayuunaiki
ü
  • ʼ
  • ü
  • BIBLIA
  • KARALO'UTAIRUA
  • OUTKAJAWAA
  • yc ekir. 8 süp. 18-19
  • Aleewashi Josías namaa na wayuu anakana akuwaʼipa

Nnojotsü video suluʼu tüü

Aishaʼajaa, nnojotsü ojuʼiteein videokot, amojujaasün.

  • Aleewashi Josías namaa na wayuu anakana akuwaʼipa
  • Pikiraja püchonnii
  • Pütchi sünainpünaaka
  • Kojutusü nümüin Josías tü Pütchi nüshajirakat Jehová
    Tatüjaka sünainjee tü Bibliakat
  • Wanee aluwataai anashi
    Aküjalaa suluʼujeejatü tü Wiwüliakat
  • Jia tepichikana, ¿aneetche jukuwaʼipa watta kaʼi?
    Aapiria Wayuu. Aküjüsü süchiki nuluwataaya Jehová (Namüinjatü na wawalayuukana) 2023
Pikiraja püchonnii
yc ekir. 8 süp. 18-19
Naapajüin Josías tü nümakat Jeremías

EKIRAJAAYA 8

Aleewashi Josías namaa na wayuu anakana akuwaʼipa

¿Kapüleesüche sümüin wayuu saainjüin kasa anasü?... Aa, wainma na kapüleekana amüin. Aashajaasü tü Wiwüliakat nüchiki wanee jintüi kapüleekai amüin naainjüin kasa anasü. ¿Jarai nia? Nia Josías. Akaisaʼa aleewain nia namaa waneeinnua wayuu aainjakana kasa anasü. Otta akaaliinjünüshi nia natuma. Wekirajaa nüchiki Josías otta na naʼaleewainkana.

Amón nünülia chi nüshikai Josías. Chajachi aluwataain nia saaʼu tü mmakat Judá. Mojulaashi maʼin Amón otta nuʼwaajüin tü maleiwayaasükalüirua. Ouktapa Amón, niashi Josías sülaülaka Judá nüchikumüin. ¡Eetaayaai miyoʼu Josías! Mekiisalüirü neʼe nuuyase. ¿Aainjüshiche Josías kasa mojusü maʼaka naaʼin chi nüshikai?... Nnojo.

Nüküjüin Sofonías tü alatajatkat namüin judíokana naashin Jeʼwaa

Nüchiaain Sofonías na wayuu aʼwaajakana maleiwayaasü

Oʼttüshi Josías sünain oonowaa nümaa Jeʼwaa joʼuuiwaʼaya nia. Naya neʼe naʼaleewainka Josías na wayuu aikana apüla Jeʼwaa. Akaaliinjünüshi Josías natuma sünain aainjaa kasa anasü. ¿Pütüja aaʼu kasaichin nanülia na naʼaleewainyuukana Josías?

Naʼakajee na naʼaleewainkana Josías, eejachi wanee kanüliakai Sofonías. Nünüikimaajachi nia Maleiwa sümüin tü wayuukalüirua chaa Judá. Nüchiaapuʼuin na wayuukana suulia aʼwaajaa maleiwayaasü. Oonooshi Josías sümaa tü nümakat Sofonías makalaka niain nuʼwaajüin Jeʼwaa suulia tü maleiwayaasükalüirua.

Chi wanee naʼaleewainkai Josías nia Jeremías. Joʼuujiraashii naya otta pejejiraasü tü nepiakat. Aleewashi maʼin Josías nümaa Jeremías. Shiasaʼa müin ouktaka Josías, nüshajaka Jeremías wanee jayeechi süchikimaajatü mojuin naaʼin nüchiirua chi naʼaleewainkai. Akaaliinjiraashii naya süpüla naainjüinjanain kasa anasü otta süpüla noonooinjanain nümaa Jeʼwaa.

Akaaliinjiraashi Jeremías nümaa Josías süpüla naainjüinjanain kasa anasü

¿Kasa shikirajaka anain waya nukuwaʼipa Josías?... Naainjüin Josías tü kasa anasükat joʼuuiwaʼaya nia. Nütüjaa aaʼu aleewainjachin nia namaa na wayuu aikana apüla Jeʼwaa. Anasü püshatüle nukuwaʼipa Josías, naya paʼaleewainjanaka na wayuu aikana apüla Jeʼwaa otta na wayuu akaaliinjeenakana pia sünain aainjaa kasa anasü.

PAASHAJEʼERA:

  • 2 Crónicas 33:21-25; 34:1, 2; 35:25

¿SOTUSÜ PAAʼIN?

  • ¿Kasaichi nünülia chi nüshikai Josías? ¿Aainjüshiche nia kasa anasü?

  • ¿Kasa naainjaka Josías joʼuuiwaʼaya nia?

  • ¿Kasaichi nanülia na naʼaleewainkana Josías?

  • ¿Kasa shikirajaka anain waya nukuwaʼipa Josías?

    Karaloukta wayuunaikiruʼuka (2005-2025)
    Süpüla pujuʼitüin
    Süpüla pikerotüin
    • Wayuunaiki
    • Puluwataa
    • Kamalainka pümüin
    • Copyright © 2025 Watch Tower Bible and Tract Society of Pennsylvania
    • Nnojoluinjatka paa'inrüin
    • Nnojotsü jaralüin e'rüin
    • Punouteere suulia ja'ralin e'rüin
    • JW.ORG
    • Süpüla pikerotüin
    Puluwataa