Püküja süchiki wanee kasa namüin na aapajüshiikana

1 Corinto 9:19-23

PÜTÜJAINJATKA APÜLEERUA: Antajatü tü pütchikat nekiiruʼumüin na wayuukana, «anasü maʼin tü pütchi watüjakat soʼukai», müinjana naya.

SUKUWAʼIPAINJATKA

• Paashajaa süchiki tü natüjaakalü aaʼu na pikirajüinkana. Nnojotsü neʼe naapajüinjatüin putuma tü aküjünakat namüin paala, püchajaa sukuwaʼipa süpüla jeketüinjatüin tü natüjakat sünainjee.

• Ekirajaainjachi maʼin pia otta püsakireʼera paaʼin sünain. Eeshi süpüla paashajaain süchiki kasa nnojotka eʼraajünüin jee shiale wanee kasa alataka maaʼulu yaa süpüla pikirajüin tü pütchi anakat maʼin. Püsakira maʼin paaʼin sünain tü pütchi pikirajüinjatkat otta jamüin sünainpünaaka shia tü kasa paashajaainjatkat achiki.

• Püküja kasain anain apüla tü pikirajakalü anain. Püküja jamüin aneetka nakuwaʼipa na wayuukana sutuma sünüiki tü Bibliakat. Pikiraja sünain kasa natüjaweeka aaʼu na wayuukana, akuwaʼipaa eekai anain otta wanee kasa anaka süpüla naaʼinrüin.