Meimmoluin pia

Tü sukuwaʼipakat nutuma Jesús

VIDEO: Achiaanüshi nutuma Jesús wanee jimaʼai washirü

1. Pünaja tü VIDEOKOT jee shiale paashajeʼerüin Marcos 10:17-22. Süchikijee tia püsakira sünain pütchikat tüü:

1. 1. ¿Kasa niʼraka Jesús sünain nukuwaʼipa chia jimaʼaikai?

2. 2. ¿Jamüsü alinjatkaʼa wayuu nüpüla Jesús jee meimmoluinjachika nia süpüla nüchiaain chi jimaʼaikai?

Tü watüjakat nünainjee Jesús

2. Alinjana wapüla na wekirajüinkana, waküjainjatpejeʼe namüin tü naaʼinrajatkat süpüla narütkaain maʼin nünain Jehová.

Waaʼinra tü naaʼinrakat Jesús

3. Pükaalinja chi pikirajüinkai süpüla nukooʼomüinrüin niʼyataain nümüin Jehová otta süpüla nuuntajatüin shia.

1. 1. Jaashajeʼera suluʼujee tü karaloʼutakat Anainjatka atuma pukuwaʼipa waneepia tü pütchi makat «Tü paaʼinrajatkat».

2. 2. Pükaalinja chi pikirajüinkai süpüla nuuntuin tü nuunteekalü amüin jee tü naaʼinreekalü amüin mapeena.

3. 3. Ana pünüiki nümüin chi pikirajüinkai saaʼujee sükooʼomüinraain nunoula.

4. Pütüjaainjatü aaʼu kasain ataʼülüin nukuwaʼipa chi pikirajüinkai süpüla sükooʼomüinraain nunoula otta pükaalinja nia.

1. 1. Püsakira paaʼin sünain tüü:

   • «¿Kasache ataʼülaka nukuwaʼipa chi tekirajüinkai makaʼa nnojolin woutiisain nia?».

   • «¿Kasache taaʼinrajatka süpüla takaalinjain nia?».

2. 2. Puchunta nümüin Maleiwa süpüla nnojoluinjachin piimolojooin aaʼin yootopa pia nümaa chi pikirajüinkai süchiki tü naaʼinrajatkat süpüla sükooʼomüinraain nunoula, jaʼyainjatü paaʼu alin nia püpüla paaʼinrapa tia.

5. Puuʼulaa suulia ekirajaa wanee wayuu nnojoikai akooʼomüinreein nunoula.

1. 1. Püsakireʼera paaʼin sünain pütchikat tüü süpüla pütüjaain saaʼu shiimainrejeʼeya sükooʼomüinraain nunoula wanee pikirajüin:

   • «¿Naapaa amaatche chi tekirajüinkai tü pütchi nikirajaakalü anain?».

   • «¿Outkajaashiche nia otta aküjashiche nia pütchi sümüin wayuu?».

   • «Kakaliaichire nia ekirajaain sünain tü Bibliakat, ¿nücheka achikitche nüküjalinjachin pütchi nüchiki Jehová?».

2. 2. Nnojorüle nükooʼomüinreein nunoula wanee pikirajüin:

   • Anashi püsakirüle nia süpüla jülüjainjatüin naaʼin kasain ataʼülüin nukuwaʼipa süpüla nükooʼomüinrüinjatüin nunoula.

   • Kamanee pia nümüin püküjainjachipa jamüin puuʼulaainjachika suulia ekirajaa nia.

   • Püküja nümüin tü naaʼinrajatkat nikirajaweere nüchikuaʼa.