SUSOUKTAKA EʼIPAJEE TÜ WIWÜLIAKAUT

¿Jamüshi Nüchon Maleiwa nümünaka Jesuu?

Nnojotsü choʼujaain nümüin Maleiwa kaʼwayuusein nia süpüla kachoinjachin maʼaka naaʼin wanee wayuu; nia kakumalaka tü kasakalüirua süpüshuaʼa. Saashin tü Wiwüliakat, nüchon Maleiwa Adán. Müshia Jesuu, «chi Nüchonkai Maleiwa» münüshi nia süka nukumajuushin nutuma Maleiwa süpüla nüshatüin tü nukuwaʼipakat. (Paashajeʼera Lucas 3:38, NM otta Juan 1:14, 49.)

¿Joujachi akumajuushin Jesuu?

Akumajuushi Jesuu nüpülapünaa Adán. Nia palajaicheʼechonka nukumajüin Maleiwa. Akumajünüsü tü wanee kasakalüirua, maʼaka naaʼin na aapieekana nükajee Jesuu. Makalaka «chi Nüchon eʼirumaakai» sümüin tü Wiwüliakat nüchiki Jesuu. (Paashajeʼera Colosas 1:15, 16, NM.)

Süpülapünaa joʼuuin Jesuu chayaa Belén, chapuʼushi nia iipünaa maʼaka naaʼin na aapieekana. Nülatiraka nia Maleiwa suluʼumüin süchonla María süpüla wayuuinjachin nia. (Paashajeʼera Lucas 1:30-32; Juan 6:38; 8:23.)

¿Kasa ajütünaka apüla Jesuu nutuma Maleiwa süpüla wayuuinjachin nia yaa mmapaʼa? Pikirajaale sünain tia suluʼu tü Wiwüliakat, kojuteerü pümüin tü naainjakat Maleiwa nümaa Jesuu süpüleerua tü wayuukalüirua.