¿Jamüshiiche noʼuraajaka na wayuukana?

Wainma wayuu oʼuraajaka nümüin Maleiwa. Jaʼitainna manoulain, oʼuraajüshii naya. ¿Jama piakai, oʼuraajapuʼushi pia nümüin Maleiwa? ¿Jamüshiiche noʼuraajaka na wayuukana? Eeshii eekai noʼuraajüin süpüla anainjatüin neʼe naaʼin. Jamüshiijaʼa noʼutku na chajanakana Francia otta waneeinnua chajanaka Europa, oʼuraajüshii süpüla anainjatüin neʼe naaʼin. Nnojoishii oʼuraajüin süpüla narütkaainjanain nünainmüin Maleiwa. Jaʼitainna na anoujakana naashin, oʼuraajüshii neʼe sülatüle kasa mojusü namüin otta naʼatapajüin nusouktamaatüinjachin Maleiwa namüin (Isaías 26:16).

¿Jama piakai, jamüshi puʼuraajaka nümüin Maleiwa? ¿Oʼuraajüshiche pia süpüla anainjatüin neʼe paaʼin? Wayuule anoujüshi pia, ¿naapüinche Maleiwa tü pünüikikat? ¿Nnojottaapa naapüin shia saaʼin pümüin? Süküjeerü pümüin tü Wiwüliakat puʼuraajüinjachin nümüin Maleiwa süpüla pürütkaainjachin nünainmüin. Nnojotsü shiainjatüin neʼe süpüla anainjatüin paaʼin.