¿Jamüsüche naaʼin Maleiwa sünainjee tü müliaa shiʼrakat wayuu?

Naashin noʼutku na wayuukana, nnojotsü kasajatüin nümüin Maleiwa tü wamülialakat.

JÜLÜJA PAAʼIN TÜ SÜMAKAT TÜ WIWÜLIAKAT

Nütüjaa aaʼu Maleiwa tü wamülialakat

«Niʼrüin Jeʼwaa mojulaain maʼin tü wayuukalüirua sainküin mmakat [...] mojuka maʼin naaʼin sünainjee tia» (Génesis 6:5, 6, TNM).
Najaʼttireerü Maleiwa tü müliaakat

«Soʼu palitchon kaʼi nnojoleechi chi mojulaashikai, jaʼitaichi püchajaain nia nnojoleechi puusütüin anain. Akanasaʼa na wayuu anamiakana namüinjeerü tü mmakat otta shiimain talateenain naya süka jimateerüin naaʼin» (Salmo 37:10, 11).
Tü keeʼireekat naaʼin Maleiwa püpüleerua

«Anuu tü pütchi niweetirakat Jeʼwaa: ‹Tatüjaa aaʼu tü taainjainjatkat jüpüleerua, nnojoleena jia müliain aaʼin. Taapeerü wanee anaa jümüin otta aneerü jukuwaʼipa tatuma watta kaʼi. Shiimainshaana juʼuraajeenain tamüin, tasouteechikalaka jiʼipajee›» (Jeremías 29:11, 12).

«Müleka jürütkaale nünainmüin Maleiwa, arütkaajeechi nia jünainmüin» (Santiago 4:8).

Pütüjeere sooʼomüin süchiki jamüin nuuʼulaaka Maleiwa eein tü müliaakat, pikirajaa sünain tü karaloʼutakat ¿Kasa shikirajaka maʼin tü Wiwüliakat?, ekirajaaya 11. Nakumajala na aküjaliikana pütchi nüchiki Jeʼwaa. Eesü shiaʼaya suluʼu www.jw.org.