Waküja pütchi süka tü rewiisütakalüirua

La Atalaya Settienpüroʼu 1

«Namüin wainma wayuu, Adán otta Eva nnojoliishii eejanain naya saaʼu tü mmakat otta namüin na waneeinnua yaajana kepiain saaʼu tü mmakat. Saaʼin pümüin, ¿jara aküjaka tü shiimainkat? [Puuʼulaa nasouktai.] Aashajaashi Jesús nachiki nayakana maʼaka naaʼin wanee wayuu yaajana saaʼu tü mmakat, weʼrüin tia sünain pütchikat tüü [paashajeʼera Marcos 10:6-9]. Sünain pütchikat tüü, shiiʼiyatüin waneeirua kasa aküjaka eejanain naya saaʼu tü mmakat otta pütüjaweerü aaʼu jamüin watüjaainjatka saaʼu tü wanoujakat anain.» Piiʼiyata tü pütchi suluʼukat süpana 12.

¡Despertad! Settienpüroʼu

«Eeshii na anoujakana sünain müliain saʼaka siki nutuma Maleiwa na mojulaashiikana. Naashin na waneeinnua nnojotsü wanaawain tia sümaa tü nümakat chi aluwataaushikai Juan [paashajeʼera 1 Juan 4:8]. Nnojotsü atüjaanüin aaʼu tü anoujünüinjatkat anain, ¿aashimüin? [Puuʼulaa nasouktai.] Pütchikat tüü, süküjüin tü shikirajakat tü Wiwüliakat süchiki tia.» Piiʼiyata tü pütchi suluʼukat süpana 10.

La Atalaya Ouktupüroʼu 1

«Maaʼulu nnojotsü eein wayuu nnojotka alatüin amüin kasa mojusü, ¿aashimüin? [Püküja süchiki waneeirua kasa alataka eere püküjüin pütchi.] ¿Kaseerü naapaka wamüin Maleiwa süpüla eejiraain waya sümaa? [Puuʼulaa nasouktai.] Nüküjüin shia wamüin Jesús suluʼu tü Wiwüliakat [paashajeʼera Lucas 11:13]. ¿Kasa wayuu chi naaʼinkai Maleiwa? ¿Jamüsü süpüla nükaaliinjüin waya? Puusüteerü süsouktia suluʼu rewiisütakat tüü.»

¡Despertad! Ouktupüroʼu

«Maaʼulu nnojotsü eein wanee apüshii nnojotka alatüin amüin kasa mojusü jaʼitairü miyoʼuin jee nnojoluin miyoʼuin shia. Wainma na aapeenakana analuʼut süka nakaaliinjünüin otta shiiʼiyatünüin namüin tü naainjüinjatkat wanaa sümaa tia, ¿aashimüin? Saaʼin pümüin, ¿Jara akaaliinjeenaka naya? [Puuʼulaa nasouktai. Süchikijee paashajeʼera Salmo 32:8.] Tü rewiisütakat ¡Despertad! süküjüin kojuyasü pütchi suluʼujeejatü tü Wiwüliakat aneetka atuma sukuwaʼipa wanee apüshii soonoole sümaa.»