Aküjaa pütchi süka tü rewiisütakalüirua
La Atalaya Akosütoʼu 1
«Saaʼin pümüin, ¿kasa choʼujaaka namüin na wayuukana süpüla talatüin naya? [Puuʼulaa nüsouktai. Süchikijee, paashajeʼera Mateo 5:3.] Tüü, shia neʼe süpüshi tü nümakat Jesuu süchiki tü talataakat. Karalouktakat tüü, aashajaasü süchiki tü waainjüinjatkat naashin süpüla talatüin waya.» Piiʼiyata tü pütchi suluʼukat süpana 16.
¡Despertad! Akosütoʼu
«Suluʼu wainma peliikula eesü yolujaa, wuruuja, otta outsü. Saaʼin pümüin, ¿shiimainchejeʼe eein na yolujaakana? [Puuʼulaa nüsouktai. Süchikijee, paashajeʼera 1 Corinto 10:20.] Sünain pütchikat tüü, puusüteerü anain tü sümakat tü Wiwüliakat nachiki na yolujaakana otta tü waaʼinrajatkat süpüla waaʼinmajüin wakuwaʼipa noulia.» Piiʼiyata tü pütchi suluʼukat süpana 20.
La Atalaya Settienpüroʼu 1
Püküja süchiki wanee kasa shapaaka atuma saaʼin wayuu. Otta püma: «¿Püsakirüirü anain jamüin kaainjalaka maʼin wayuu? [Puuʼulaa nüsouktai.] Süküjüin tü Wiwüliakat tü eekat süpüla waʼatapajüin [paashajeʼera 2 Pedro 3:13, NM]. Jee süküjüin jamüin eeka kasa mojusü, joujainjatüin otta jamüinjatüin sajaʼlajeʼeria nutuma Maleiwa. Süküjüin tia, rewiisütakat tüü.»
¡Despertad! Settienpüroʼu
«Saaʼin pümüin, ¿ooʼulaasüche wayuu suulia mojuu aaʼin sutuma saashajaain süka serulaat otta suluʼupünaa Internet? ¿Mojuleetaapasaʼa saaʼin sutuma? [Puuʼulaa nüsouktai.] Taashajeʼerüin paala pümüin wanee pütchi akaaliinjeenaka na mojukana aaʼin [paashajeʼera Aluwataaushikana 20:35]. Jee eesü waneeirua pütchi suluʼujeejatü tü Wiwüliakat suluʼu rewiisütakat tüü.»