La Biblia: el poder que ejerce en su vida

Watta saaliin wayuu sainküin mmaka anaka akuwaʼipa sutuma tü Wiwüliakat. ¿Jarat tü pütchi suluʼujeejatkat tü Wiwüliakat akaaliinjeenaka waya sünain tü kasa mojusü alatakat wamüin maaʼulu? Süpüla pütüjaain saaʼu, pünaja tü peliikulakat La Biblia: el poder que ejerce en su vida, shia tü süchikijeekat tü palajatkat peliikula sünainjee tü apünüinsü eekat suluʼu tü DVDkat La Biblia: libro de hechos y profecías. Süchikijee, püsoukta shiʼipajee tü asakinnakat anain yaa wünaapünaa:

1) ¿Jamüsü nnojotka shiain tü Wiwüliakat wanee karaloukta anaka müleʼe ashajia? (Heb. 4:12.) 2) Mayaapejeʼe eein süpüla anain nakuwaʼipa na wayuukana sutuma tü Wiwüliakat, ¿jamüshii neʼraka maʼin müliaa? 3) ¿Kasa saashajaaka maʼin achiki tü Wiwüliakat? 4) ¿Jarat tü pütchi suluʼujeejatkat tü Wiwüliakat akaaliinjaka na kasaatshiikana (1) süpüla anain naashajaajiraaya otta (2) süpüla nnojoluin jashichijiraain maʼin naya? 5) ¿Jamüshii talataleejeenaka sümaa napüshi na kasaatshiikana maka jülüjüle naaʼin tü sümakat tü Wiwüliakat süchiki tü kasaalüükat? (Éfe. 5:​28, 29.) 6) ¿Jamüsü süpüla nashatüin nukuwaʼipa Jeowa na kachonshiikana? (Mar. 1:9-11.) 7) ¿Kasa naainjüinjatka na kachonshiikana süpüla anain sukuwaʼipa tü ekirajawaakat sümaa napüshi? 8) Mayaapejeʼe nekirajüinjanain nachonnii na kachonshiikana saashin tü Wiwüliakat, ¿kasa amaa naainjüinjatka napüleerua? 9) Püküja wanee pütchi suluʼujeejatü tü Wiwüliakat akaaliinjaka wayuu sümaa süpüshi süpüla kasetirain sünneetse. 10) ¿Jarat tü pütchi eekat suluʼu tü Wiwüliakat aashajaaka süchiki tü wuleekat, tü akamüjaakat, sülataleein tü asüüshikat otta tü jiwaʼataakat aaʼin akaaliinjaka wayuu süpüla nnojoluin ayuulin maʼin shia? 11) ¿Jarat tü pütchi ekeraajüinjatkat saashin tü Wiwüliakat amülialaka waaʼin? (Job 33:25; Sal. 145:16.) 12) ¿Jamüsü sünoukteʼeria pukuwaʼipa sutuma tü Wiwüliakat? 13) ¿Jameerü nakaaliinjia na waneeinnua putuma sükajee tü peliikulakat?