Asakinnaka Anain

◼ ¿Ayatüinjachia wekirajüin wanee wayuu süchikijee woutiisain nia?

Süchikijee woutiisain wanee wayuu, ayatüinjachia wekirajüin najaʼttiraleepa piamasü karaloukta: ¿Kasa shikirajaka maʼin tü Wiwüliakat? otta «Ayata alin jüpüla Maleiwa». Ayatüinjachia ekirajaain mayaapejeʼe woutiisain nia süpülapünaa najaʼttirüin tia piamasükat karaloukta. Eesü süpüla piyaawajüin tü oorakat, jeʼratuain puuyantüin püchikuaʼa otta eeshi süpüla piyaawajüin nia maʼaka naaʼin wanee ekirajaashi. Eesü süpüla niyaawajüin tü oorakat chi aküjüi pütchi pümaakai sünain ekirajaa (paashajeʼera Waʼyataain Nümüin Maleiwa ojuʼitaka pewüreeroʼu soʼu 2010, süpana 2).

Süpülapünaa nooʼulaanüin suulia ekirajünaa na jekennuukana, choʼujaasü natüjaain saaʼu tü shiimain ekirajünakat anain naya. ‹Icheinjana naya nünain› Kürisüto otta ‹katsüinjatü naaʼin sünain› anoujaa süpüla eejiraain naya sümaa tü kasa mojusü alateetkat namüin (Col. 2:​6, 7; 2 Tim. 3:12; 1 Ped. 5:​8, 9). Jee müsia ‹natüjaainjatü saaʼu tü shiimüinkat› süpüla anainjatüin nekirajia (1 Tim. 2:4). Wekirajüle naya sünain piamasü karaloukta, wakaaliinjüin naya süpüla anain nakuwaʼipa suluʼupünaa ‹tü wopu kanainmüinkat tü kataakat oʼuu› (Mat. 7:​14, NM).

Süpülapünaa nooʼulaain woutiisain wanee wayuu na laülaashiikana, natüjaainjatü aaʼu niyaawatüle maʼin saaʼu tü kasa mapüleesat shikirajakat tü Wiwüliakat otta niʼitaale shia suluʼu nukuwaʼipa. Eejüinjatü maʼin naaʼin na laülaashiikana nnojoiyüire najaʼttirüin waneesiaakaijeʼe karaloukta chi ekirajünakai. Nnojoire yapain wanee wayuu süpüla woutiisaa, nachajaajeerü sukuwaʼipa na laülaashiikana süpüla nükaaliinjünüin süpüla yapain nia sünain woutiisaa mapeena (paashajeʼera Organizados para hacer la voluntad de Jehová, süpana 216-218).

[Epiikürape suluʼu süpanaka 2]

Choʼujaasü natüjaain saaʼu tü shiimain ekirajünakat anain naya