Las maravillas de la creación revelan la gloria de Dios
Wainma wayuu kamalainka amüin jülüjaa aaʼin sukuwaʼipa tü kasa nukumajalakat Maleiwa. Akatsaʼa paliʼirüin na ayaawatakana saaʼu shiain neʼrüin tü suluʼujeekat naaʼin otta nikii chi Kakumalakai waya (Roma 1:20). Sümaiwa paala, eʼraajünüshi Jeowa nutuma David sükajee naashajeʼerüin tü Nünüikikat. Akatsaʼa «niʼrüin» nia otta arütkaashi nünainmüin sükajee jülüjüin naaʼin sukuwaʼipa tü kasa nukumajalakat (Sal. 8:3, 4, NM). Jülüjüle waaʼin sukuwaʼipa tü kasa akumajuushikat, wayaawateerü saaʼu nukuwaʼipa chi Kakumalakai waya otta aleeweena maʼin waya nümaa sutuma tü peliikulakat Las maravillas de la creación revelan la gloria de Dios. Otta meeria nakuwaʼipa na wachonniikana otta na wekirajüinkana.
1) ¿Jamüshi aikaʼa maʼin Jeowa wapüla sutuma watüjaain saaʼu sajaʼapüin otta sukuwaʼipa tü kasa nukumajakat? (Isa. 40:26.) 2) Jülüjüle maʼin waaʼin sukuwaʼipa tü wüinkat, ¿kasa shikirajaka anain waya nüchiki chi Kakumalakai shia? (Alat. Map. 14:7.) 3) ¿Kasa shikirajaka anain waya nüchiki Jeowa sajaʼapüin tü Mmakat otta nnojoluin wattain jee pejein shia nünain chi Kaʼikai? 4) ¿Kasapülajatü tü Kashikat? (Sal. 89:37.) 5) ¿Kasa naapaka wamüin Jeowa süpüla talatüinjanain waya? 6) ¿Kasa wayuu tü ADN münakat? (Sal. 139:16.) 7) ¿Kasa naataka atuma waya suulia tü wanee kasa nukumajakat Jeowa? (Gén. 1:26.) 8) ¿Kasa paainjeeka amüin suluʼu tü paʼaraiisükat?
Extras: 9) ¿Jamakuwaʼipat kanoʼuin tü kasakalüirua? 10) ¿Jamakuwaʼipat süntüinjatüin tü wüinkat süraloʼumüin tü wunuʼuliakat? 11) ¿Kasa saainjaka tü wüinkat wataluʼupünaa? 12) Püküja jamüin sükaaliinjiraaya tü kasakalüirua. 13) ¿Jamüsü sütüjaaka saaʼu tia? 14) ¿Kasa wayuu tü ángulo áureo münakat? ¿Jamüsü sukuwaʼipa sünain tü kasa nukumajakat Maleiwa?
Jülüja waaʼin sukuwaʼipa tü kasa nukumajakat Jeowa. Müshi Jesuu namüin na nikirajüinkana: «Jülüja jaaʼin sukuaippa tü wuchiikalüirua» otta «jülüja jaaʼin sukuaippa tü süsiikat tü wüitshiikat» (Mat. 6:26, 28). Waainjüle tia kooʼomüinjeerü wanoula nünain Jeowa otta kojuteerü wamüin kekiin maʼin nia, pülain nia otta aipüralin nia. Suulialeʼeya waaʼinmaain tü nakumajakat na wayuukana, wakatala kaʼi süpüla wananajüin tü kasa nukumajalakat Jeowa otta wasakira waaʼin sünain tü shiiʼiyatakat nüchiki chi Wamaleiwasekai (Sal. 19:1).