Süpüshi tü wanüikinjatkat

Suʼttia shikirajia wayuu juulioʼu soʼu palajatka saawanoʼu

«Kojuyairü juya sünain natüjaweein aaʼu na wayuukana jaraliin maʼin na aapieekana. ¿Eeshiichejeʼe saaʼin pümüin na aapieekana? [Puuʼulaa nüsouktai.] Teeʼiyateein pümüin tü sümaka rewiisütakat tüü.» Paapa otta pikiraja süka tü palajatkat sünüliachein pütchi suluʼuka La Atalaya ojuʼitaka juulioʼu 1, pikirajaa süka tü palajatka pütchi suluʼukat süpana 16 jee paashajeʼera waneesiakaijeʼe pütchi suluʼujee tü Wiwüliakat. Paapa tü rewiisütakat otta püküja püleʼejeechin süpüla pikirajüin sünain tü wanee asakiraakat.

La Atalaya Juulioʼu 1

Paashajeʼera Salmo 65:​2. Otta püma: «Wainma wayuu anoujaka sünain pütchikat tüü: sünain niain Maleiwa aapajaka sünüiki wayuu suʼuraajapa, müsüjeseʼe suʼuraajüin nümüin weinshi. Eepajaʼa na makana anüiki: «Shiimainrejeʼe eein Maleiwa ¿jamaka jooutka maʼin kasachiki?». ¿Jamüsüjaʼa saaʼin pümüin? ¿Naapajüinchejeʼe Maleiwa wanüiki? [Puuʼulaa nüsouktai.] Süküjüin rewiisütakat tüü jamüin sünüiki tü Wiwüliakat süchiki tia».

¡Despertad! Juulioʼu

«Müleka pülale pia süpüla puʼwanajaain sukuwaʼipa wanee kasa saaʼu tü mmapaʼakat ¿kasaje puʼwanajaaka? [Puuʼulaa nüsouktai.] Eesü tü iseetkat wachiki süpüla waaʼinrüin saashin tü Wiwüliakat [paashajeʼera Jeremías 10:23.] Süküjüin rewiisütakat tüü, kasain nuʼwanajaweein akuwaʼipa Maleiwa.»