Süpüshi tü wanüikinjatkat

Suʼttia shikirajia wayuu tisienpüroʼu soʼu tü palajatkat saawanoʼu

«Nia jülüjaka maʼin saaʼin Jesuu tü wayuukalüirua suʼunnaa kashikat tüü. Sünainjee tü naainjakat ¿kasa wayuu tü analeekat nutuma Jesuu? [Puuʼulaa nusouktai.] Jülüja paaʼin sünülia tü pütchi yaakat suluʼu süpüna 16.» Piiʼiyata La Atalaya ojuʼitaka tisienpüroʼu otta pikiraja süka tü palajatkat sünüliachen jee paashajeʼera waneesiaakaijeʼe pütchi suluʼujee tü Wiwüliakat. Paapa tü rewiisütakat otta püküja joujainjachin püleʼejüin süpüla pikirajüin sünain tü wanee asakiraakat.

La Atalaya Tisienpüroʼu 1

«Wainma wayuu maaʼulu sünainpünaaka tü Navidad münakat. Sünainjee pütchikalüirua tüü, ¿jarat tü sünainpünaakat maʼin tü Navidad münakat? [Piiʼiyata nümüin chi wayuukai tü pütchikalüirua suluʼuka süpana 3 jee puʼula nusouktai. Suluʼu tü karalouktakat, püchajaa tü pütchi nüneekakat jee paashajeʼera tü wersiikuloko suʼttiajeekat tü pütchikat.] Shiiʼiyatüin rewiisütakat tüü, kojutüinjachin wamüin Jesuu weinshi jee nnojotsü shiainjatüin neʼe suʼunnaa tü Navidad münakat.»

¡Despertad! Tisienpüroʼu

«Shapaasü maʼin saaʼin wayuu maaʼulu sutuma wainma kasa, jashichijaamaatüin shiairua maalü. ¿Shiimainche tia saaʼin pümüin? [Puʼula nusouktai.] Suʼunnashii maʼin waya tü kaʼi müliainjatkat maʼin oʼu wayuu saashin tü Wiwüliakat yaa [paashajeʼera 2 Timoteo 3:1]. Süküjüin rewiisütakat tüü, nnojoluin anain jashichijaamaatüle waya saaliijee wanee kasa jee süküjüin waneeirua kasa aneetka atuma wakuwaʼipa.»