Süpüshi tü wanüikinjatkat

Suʼttia shikirajia wayuu maayoʼu soʼu palajatka saawanoʼu

«Yootushii waya sümaa wayuu süchiki wanee kasa anaka maʼin süpüla watüjaain saaʼu [piiʼiyata nümüin tü pütchi süsapoʼujeekat tü rewiisüta Aapiria Wayuu ojuʼitakat maayoʼu]. ¿Jamüsüjaʼa pünüiki süchiki tia?». Puuʼulaa nusouktai. Pikiraja nia sünain tü palajatkat asakiraa jee paashajeʼera nümüin waneeshiaakaijeʼe pütchi suluʼujee tü Wiwüliakat. Paapa tü rewiisütakat otta püküja püleʼejeechin süpüla pikirajüin nia sünain tü wanee asakiraakat.

Aapiria Wayuu Maayoʼu 1

«Wainma wayuu atüjaweeka saaʼu tü alatüinjatkat mapeena. ¿Aneetche tü wakuwaʼipakat watta kaʼi? [Puuʼulaa nusouktai. Süchikijee, püneeka wanee wersiikulo suluʼujee tü pütchikat «Tü nümakat Maleiwa süchiki tü alatüinjatkat mapeena» otta paashajeʼera shia nümüin] Sünain rewiisütakat tüü, aküjünüsü süchiki tü kasa alatüinjatkat naashin Maleiwa otta jamüin watüjaaka saaʼu shikeraajeerüin tü nümakat wamüin.»

¡Despertad! Maayoʼu

«Yootushii waya sümaa wayuu süchiki tü waainjüinjatkat suulia shapaain maʼin waaʼin. ¿Kasache shapaaka maʼin atuma saaʼin wayuu maaʼulu? [Puuʼulaa nusouktai.] Süküjüin tü Wiwüliakat wamüin tü waainjüinjatkat süpüla nnojoluinjatüin shapaain maʼin waaʼin. Anuusaʼa wanee wersiikulo akaaliinjeenaka waya sünain tia [paashajeʼera Mateo 6:​34]. Sünain rewiisütakat tüü, aküjünüsü wamüin tü waainjüinjatkat saashin tü Wiwüliakat süpüla eejiraainjanain waya sümaa pienchisü kasa.»

Pütchi: Rewiisütakat tüü jalouijeerü maʼin namüin na aʼyataakana maʼin.