Karaloukta jeketka ojuʼitüin süpüla ekirajawaa sünain tü Wiwüliakat

Wainma na wawalayuu ekirajaakana süka tü karalouktakat Índice de las publicaciones Watch Tower. Palitchon tü anüikii eekalü aluʼu tia karalouktakat süka wainmain tü pütchi suluʼukat. Aluʼusaʼa tü karalouktakat Nachajaayainjatü pütchi na Aküjüliikana Pütchi nüchiki Jeʼwaa eesü shia suluʼu 170 anüikii. Suluʼu tia karalouktakat, shia ashajünaka sünülia tü karalouktairua ojuʼitaka soʼujee juyaka 2000. Nnojotyülia eʼinprimiijünüin tia suluʼu tü anüikii eekalü aluʼu tü karalouktakat Índice. Shiasaʼa eeitpain shia suluʼu Watchtower Library otta suluʼu PÜTCHIPÜLEE SULUʼUKA INTERNET sutuma Watchtower. Karalouktakat tüü, sükaaliinjeechi pia süpüla puusütüin sünain wanee pütchi pütüjaweeka aaʼu süpüla pikirajaain sünain tü aashajaanüinjatkalü achiki sünain tü outkajawaakalüirua jee shiale sünain tü ai puʼwaajakalü oʼu Maleiwa sümaa püpüshi.