Waapa «kasa anasü» namüin na wawalayuukana (Mat. 12:351)

Wanee sukuwaʼipa süpüla waainjüin waneepia «kasa anasü» namüin na waneeinnua, shia kapürale waaʼin na wawalayuukana (Roma 12:13). Na laülaashiikana, naya akumajüinjanakana sukuwaʼipa süpüla kapülainjanain aaʼinyüü na wawalayuu antakana sünain ekirajaa tü pütchi süpülajatkat wayuu süpüshuaʼa otta süpüla saapünüinjatüin namüin tü nneerü nakataajakat wopuluʼu. Jaʼitainna maʼletsein jia jee müleka isale saaʼin jüchiki jaapüin wanee kasa. Jülüja jaaʼin tü nümakat Jesuu sümüin Marta (Luc. 10:​39-​42). Nüküjüin Jesuu nnojoluinjatüin shapaain waaʼin sünain aʼlakajawaa wainma eküülü otta sünain wainmainjatüin watuma kasa weʼitaainjatkat piichipaʼa. Shia jülüjüinjatka waaʼin kottiraajeenain waya namaa na wawalayuukana otta sütütülaajeerüin waaʼin natuma. Kacheʼere waya sümüin tia pütchikat, aainjeena waya «kasa anasü» namüin na wawalayuukana maʼaka süküjünüin wamüin suluʼu tü Wiwüliakat (3 Juan 5-​8).