PÜTCHIPÜLEE SULU'UKA INTERNET sutuma Watchtower

PÜTCHIPÜLEE SULU'UKA INTERNET

sutuma Watchtower

mwb16 aaʼuriiroʼu süp. 3
Jütütüleʼera naaʼin na waneeinnua süka pütchi anasü

Wakuwaʼipa otta Waʼyataain nümüin Maleiwa. Wekirajaayainjatü sünain tü outkajawaakat (2016)

mwb16 aaʼuriiroʼu süp. 3

KOROLO KOJUTÜSÜ SULUʼUKA TÜ WIWÜLIAKAT | JOB 16-20

Jütütüleʼera naaʼin na waneeinnua süka pütchi anasü

Watütüleʼerüinjatü naaʼin wanee wayuu wanaa sümaa wachiaain nia

16:4, 5

Shapaasü naaʼin Job sümaa mojuin naaʼin, makalaka choʼujaain sütütüleʼennüin naaʼin.
Nnojotsü anayaain naaʼin Job sutuma tü namakat na apünüinshiikana wayuu, mojuleesia naaʼin sutuma nanüiki.

Jashichijaashi Job sutuma mojuin nünüiki Bildad nümüin

19:2, 25

Achuntüshi Job kaaliinwaa nümüin Jeʼwaa, achuntüshi ouktaa nümüin Maleiwa.
Jülüjasü naaʼin Job eein süpüla katüin noʼu nüchikuaʼa, makalaka waneepiain nia nümaa Jeʼwaa.

Aashajaashi Elifaz nümaa Job, eirakaashi Bildad otta Zofar namüin

¿JARALII NA MOJUKANA ANÜIKI NÜCHIKI JOB?

Elifaz

Eeshi süpüla chejeʼewalin nia Temán, chaa Edom. Suluʼu Jeremías 49:7, aküjünüsü süchiki kekiin maʼin na wayuu chejeʼewaliikana Temán.
Eeshi süpüla niain chi miyoʼushikai jee chi eʼnnaajünakai maʼin naʼakajee na apünüinshiikana. Nia yootoko palajana, apünüintua yootuin nia otta kamaʼashi maʼin.

¿Jamüsü nünüiki nüchiki Job?

Nüküjüin sünain nnojoluin lotuin nukuwaʼipa Job otta nnojolin niʼitaain naaʼin Jeʼwaa nanain na aʼyataakana nümüin (Job 4, 5).
Maaʼin aaʼinchi Job naashin, mojulaashi nia otta mojutsai Maleiwa nümüin (Job 15).
Nüküjüin kachiiruain naaʼin Job washirüü otta nnojoluin lotuin nukuwaʼipa. Nnojotsü jaloulin wayuu nümüin chi Maleiwakai naashin (Job 22).

Bildad

Nuuʼuliwoʼu nia Súah. Eeshi süpüla chapuʼuin nia kepiain sotpaʼa tü süchikat Éufrates.
Nia chi yootokai nüchikumüin Elifaz. Motsoʼo sümaa nünüiki sümaa airuʼuluin nünüiki nuulia Elifaz.

¿Jamüsü nünüiki nüchiki Job?

Naashin niakai kaainjalashii nüchonnii Job makalaka ouktüin naya. Nnojoishi mmoluwaain Job neema Maleiwa naashin (Job 8).
Naashin niakai mojulaashi maʼin Job (Job 18).
Nnojotsü kasain anain apüla oonowaa nümaa Maleiwa naashin (Job 25).

Zofar

Naamatita nia, eeshi süpüla chejeʼewalin nia palaajeeruʼu sünain Arabia.
Nia chi chiiruajachikai aashajaain otta chi aliʼrajakai maʼin Job sünain kaainjalaa. Piantua neʼe yootuin nia.

¿Jamüsü nünüiki nüchiki Job?

Naashin niakai wayuu alaa Job otta ooʼulaainjachi nia suulia naainjala (Job 11).
Mojulaashi maʼin Job naashin otta anasü maʼin nümüin kaainjalaa (Job 20).