Aküjüshii pütchi suluʼupünaa intercomunicador chaa Viena (Austria).
Wanüikinjatka sünain aküjaa pütchi
PIKIRAJA PÜCHONNII
Püsakira: ¿Anasüche saaʼin pümüin wekirajüle na tepichikana nüchiki Maleiwa joʼuuiwaʼaya naya?
Wetsiikulo: Dt 6:5-7
Karaloukta: Karalouktakat tüü, sükaaliinjeena na tepichikana süpüla nekirajaain nüchiki Maleiwa sümaa nnojoluin nakulajaain aaʼin.
PIKIRAJA PÜCHONNII
Püsakira: Wainma na tepichi eʼrüliikana wayumüin maaʼulu yaa. ¿Kasache anaka namüin süpüla kacheʼeinjanain naya?
Wetsiikulo: Éf 6:1
Karaloukta: [Piiʼiyata nümüin tü pütchi suluʼukat ekirajaaya 10]. Pütchikat tüü, süküjüin namüin na tepichikana eein süpüla jaa namüin sükajee neʼrüin nukuwaʼipa Jesuu.
POONOO NÜMAA MALEIWA SÜPÜLA KATÜIN POʼU WANEEPIA
Püsakira: Kanüliashii na wapüshikana, na waʼaleewainkana maʼaka kanüliain wayuu süpüshuaʼa. ¿Jama Maleiwa? ¿Kanüliashiche nia?
Wetsiikulo: Sl 83:18
Karaloukta: Watta saalii kasa shikirajaka anain tü Wiwüliakat nüchiki Maleiwa. Süpüshi tia yaasü suluʼu karalouktakat tüü [piiʼiyata nümüin süpanaka 6 otta 7].
PÜSHAJA TÜ PÜNÜIKINJATKAT
Püshata tü sukuwaʼipakat süpüla püshajüin tü pünüikinjatkat sünain aküjaa pütchi.