Wanüikinjatka sünain aküjaa pütchi

Püsakira: Eeshii na makana niainya neʼe Jesukürisüto chi Maleiwakai otta eeshii na makana niain neʼe wanee wayuu atüjashaatashi maʼin. ¿Jamüsüjaʼa pünüiki süchiki tia?

Karaloukta: Suluʼu karalouktakat tüü, ekirajaaya 7, süküjüin jaralin maʼin Jesuu.

Püsakira: ¿Kasache alataka nümüin wanee wayuu ouktapa nia?

Wetsiikulo: Jn 11:11-14

Shiimainkat: Nnojotsü kasain süpüla naaʼinrüin wanee wayuu ouktapa nia. Müshiijeseʼe nnojoliinjanain mmoluin waya seema ouktaa. Tü ouktaakat naashin Jesuu, müsü aka saaʼin nutunküle maʼin wanee wayuu. Maʼaka «nüchijinnüin» Lázaro nutuma Jesuu, meena na wapüshi ouktüinnapakana, eeshii süpüla nachijinnüin süpüla katüin noʼu nachikuaʼa saaʼu tü Mmakat (Job 14:14).

Karaloukta: Tounejaain pia süpüla paapajüin wanee pütchi süpülajatü wayuu süpüshuaʼa, nnojotsü achuntünüin nneerü sünain. Aküjüneerü tia pütchikat eere woutkajaain. [Paapa nümüin tü karaloukta ounejaayakat wayuu sünain tü outkajawaakat, piiʼiyata nümüin jalainjatüin jee jalapüshinjatüin tü outkajawaa aainjünakat saawanoʼu jee shiale rimiinkoʼu. Püküja kasaichin sünülia tü pütchi süpülajatkat wayuu süpüshuaʼa].

Püsakira: ¿Eeichi pia ekerotuin suluʼu wanee Piichi Outkajaalee? [Anashiire shia, eesü süpüla piiʼiyatüin nümüin tü videokot, ¿Kasache aainjünaka suluʼu tü Piichi Outkajaaleekat?].