Pükaaliinja püchonnii süpüla ichein nanoula nünain Jeʼwaa

Wayaawata aaʼu anashaatain maʼin nukuwaʼipa chi Kakumalakai waya sükajee tü kasa nukumajakat (Sl 19:1-4; 139:14). Akanasaʼa na manoujainsaliikana, mojutsai Maleiwa namüin sükajee naküjüin sukumajaain kasa sümüiwaʼa (Ro 1:18-25). ¿Kasa anaka süpüla paainjain suulia sujutuuin suluʼu nekii otta suluʼu naaʼin na püchonniikana tia alawaakat? Pükaaliinja naya süpüla nanoujain shiimain eein chi Maleiwakai otta alin naya nüpüla, paainja tia joʼuuiwaʼaya naya (2Co 10:4, 5; Éf 6:16). Püsakira naya jamüin saaʼin namüin tü ekirajünakat anain naya suluʼu tü koleejiakat. Pikiraja naya süka tü kasa naapakat Jeʼwaa süpüla sujutuuin tü pütchikat suluʼumüin naaʼin (Pr 20:5; Snt 1:19).

SÜCHIKIJEE PÜNAJÜIN TÜ VIDEOKOT: NANÜIKI WANEEINNUA JIMAʼALII: ANOUJAA NÜNAIN MALEIWA, PÜSAKIRA SÜNAIN TÜÜ:

• ¿Jamüsü sünüiki wayuu süchiki anoujaa nünain Maleiwa?

• ¿Kasa ekirajünaka suluʼu pukoleejiase?

• ¿Jamüshi punoujaka sünain shiimain eein Jeʼwaa?

• ¿Jameerü pünüiki süpüla sunoujain wayuu nukumajalain Maleiwa kasa süpüshuaʼa?