Süchiki tü trigokat otta tü mojuui keimüsesükat

Aashajaashi Jesuu süchiki tü trigokat otta tü mojuui keimüsesükat süpüla nüküjain joujainjatüin otta jamüinjatüin nakotchojia na chainjanakana aluwataain iipünaa, na makana aka saaʼin trigo.

13:24

«Wane yüüja eere nüpünajüin wane wayuu waüyee anasü».

• Chi apünajüitkai: Nia Jesukürisüto

• Apünajünüsü wanee waüyee anasü: Aneekünüshii na chainjanakana iipünaa nükajee chi naaʼinkai Maleiwa

• Tü yüüjakat: Shia tü wayuukalüirua sainküin mma

13:25

«Wanaa sümaa natunküin na wayuukana, süntakalaka wane naʼünüü [...] sünain shijinain saʼaka tü trigokat wane süʼü mojuui keimsesü».

• Chi nüʼünüükai Maleiwa: Nia chi Yolujaakai

• Wanaa sümaa natunküin na wayuukana: Shia outapa na aluwataaushiikana

13:30

«Shia anaka aluʼu müleka juuʼulaale süpüla süntapa sükalia tü trigokat süpüla shiʼyonoojünüin».

• Tü trigokat: Naya na chainjanakana iipünaa

• Tü mojuui keimüsesükat: Naya na anoujayaashiikana

«Nejinnajüin palajana tü mojuui keimsesükat [...]. Otta süchikijee, nakotchajeerü tü trigokat».

• Na aʼyataakana sünain akotchojoo: Naya na aapieekana

• Ejinnajünüsü tü mojuui keimüsesükat: Akatannüshii na anoujayaashiikana noulia na chainjanakana iipünaa

• Eʼitaanüsü suluʼu tü anaajaaleekat: Akotchojünüshii na aluwataainjanakana nümaa Kürisüto otta eʼitaanüshii naya suluʼu tü outkajaaleekat

¿Kasa naataka atuma na anoujashii shiimainshiikana noulia na anoujayaashiikana soʼu 1914?

¿Jamüsü anaka takuwaʼipa sutuma tatüjaain saaʼu tü pütchikat?