Nnojotsü shiain kayaawasein tü Pascuakat tü Outkajawaakat eere Sotuin Waaʼin Outuin Jesuu, wainmapejeʼe kasa eeka süpüla watüjaain aaʼu sünainjee. Nüküjain chi aluwataaushikai Pablo, wanaawain nukuwaʼipa Jesuu nümaa chi anneetchon oʼutunaka aaʼin sünain tü Pascuakat (1Co 5:7). Maʼaka katüin noʼu nutuma Jeʼwaa neʼiruma na israeliitakana sutuma nashulerüin isha sotpünaa soʼu tü nepiakat, kateerü soʼu wayuu sutuma amülaain nüsha Jesuu (Éx 12:12, 13). Nnojotsü ashateʼennüin niipüse chi anneetchon, müsia neʼe nukuwaʼipa Jesuu, nnojotsü ashateʼennüin niipüse wanaa sümaa nuʼutunuin aaʼin, mayaainjeʼe naaʼinrapuʼuin tia na surulaatkana (Éx 12:46; Jn 19:31-33, 36).