Woʼuna süchiirua nukuwaʼipa Kürisüto

Shia washatüinjatka wapüshuaʼa nukuwaʼipa Jesuu, shialeekajaʼa suuʼulakünüle wanoula otta süpüleeruaanüle waaʼin (1Pe 2:21-23). Koʼutushi neʼe Jesuu wanaa sümaa süküjünüin pütchi mojuluʼulu nümüin, jaʼitakajaʼa müliain nia atumawaa, nnojotsü jamüin nünüiki (Mr 15:29-32, TNM). ¿Jamüshi nüchecheraaka aaʼin Jesuu? Shia süka naaʼinreein maʼin tü keeʼireekat naaʼin Jeʼwaa (Jn 6:38). Otta shia jülüjaka naaʼin waneepia tü kasa anasü eʼitaanakat nüpüleerua (Heb 12:2, TNM).

¿Kasa waaʼinraka wanaa sümaa süpüleeruaanüin waaʼin sutuma wanoujain? Shia waaʼinrajatka waya anoujashii shiimainshiikana «tü anasükat suʼupala wayuu» (Ro 12:14, 17). Washatüle nukuwaʼipa Jesuu wanaa sümaa müliain nia atumawaa, talateerü waaʼin süka talateechin Jeʼwaa watuma (Mt 5:10-12; 1Pe 4:12-14).

SÜCHIKIJEE JÜNAJÜIN TÜ VIDEOKOT SHIA KOJUTULEEKA TÜ NÜNÜLIAKAT JEʼWAA JUSOUTA SHIʼIPAJEE PÜTCHIKAT TÜÜ:

• ¿Kasa saaʼinraka tü wawalakat Poetzinger süpüla icheinjatüin sunoula süsürünnapa suluʼu tü kaatsetkat?

• ¿Kasa eejiraaka amaa na wawalayuukana Poetzinger naʼyateʼennapa?

• ¿Kasa naaʼinraka süpüla icheinjatüin nanoula suʼunnaa tü müliaa neʼrakat?