Eeja paaʼin suluʼupa pia redes sociales

¿JAMÜSÜ CHOʼUJAAKA? Eesü kasa anasü otta kasa mojusü sünain redes sociales. Watta naalii wawalayuu nnojoliikana sünainpünaain tia otta eeshii na ekerotokana suluʼu süpüla naashajaain namaa napüshi otta naʼaleewainyuu. Numojujeʼereein Satanaa wakuwaʼipa otta nükayaleʼereein waya nuulia Jeʼwaa sükajee redes sociales. Jülüjale waaʼin tü pütchi aküjünakat suluʼu tü Wiwüliakat, wayaawateerü aaʼu tü kasa mojusü suluʼukat redes sociales otta eejeerü waaʼin suulia, maʼaka naaʼinrüin shia Jesuu (Lu 4:4, 8, 12).

TÜ KASA MOJUSÜ EEKAT SULUʼU

• Kamaʼale maʼin waya sünain. Siraale kaʼi waaʼu sünain anajaa Internet otta redes sociales amülouijeerü watuma tü kaʼi wakatalüinjatkat süpüla tü kasa icheinjatkalü atuma wanoula.

  Pütchi oʼuniraka wakuwaʼipa: (Éf 5:15, 16, TNM; Flp 1:10)

• Anajaa kasa yarüttüsü. Nünajüle wanee anoujashi ayaakuaa eekai mojuin eesü süpüla shikiʼralaain naaʼin sünain anajaa shiyaakua wayuu maichesat otta nümaʼüjiraweerü nukuwaʼipa. Eesü süpüla sumojujaain wanoula waashajeʼerüle nanüiki na ooʼulaakana Jeʼwaa.

  Pütchi oʼuniraka wakuwaʼipa: (Mt 5:28; Flp 4:8)

• Washajüle otta weʼitaale ayaakuaa nnojotka anain. Süka kemeeralüin tü waaʼinkat, eesü süpüla keeʼireejaain naaʼin wanee wayuu niʼitaain suluʼu redes sociales wanee pütchi jee shiale wanee ayaakuaa nnojotkalü anain. Eesü süpüla mojuin sünüiki wayuu wachiki otta süshanaain wayuu sünain anoujaa sünainjee tia.

  Pütchi oʼuniraka wakuwaʼipa: (Ro 14:13; Éf 4:29)

SÜCHIKIJEE JÜNAJÜIN TÜ VIDEOKOT SULUʼUINJACHIRE PIA REDES SOCIALES, EEJA MAʼIN PAAʼIN, JÜLÜJA JAAʼIN KASEERÜIN JAAʼINRÜIN SÜLATÜLE JÜMÜIN TÜÜ: