Ana putuma süneekia tü püshaitüinjatkat

¿Jamüsü anainjatka watuma süneekia tü washaitüinjatkat? Shia süka makateerüin suluʼu wekii tü sümakat tü peliikula wanajakat, tü muusika waapajakat, tü weʼrakat suluʼu Internet, tü karaloʼuta waashajeʼerakat jee tü eekat sünain wanee videojuego. Tü waneekakat süpüla wanajüin, washaitüin jee waapajüin, eesü süpüla suʼwanajeʼerüin wakuwaʼipa. Shia eeʼiyatünaka maʼin maaʼulu sünain tü ashaitünakat, tü kasa nüʼürülakat Jeʼwaa (Sl 11:5; Gal 5:19-21). Müsüjeseʼe süküjain wamüin tü Wiwüliakat anain jülüjale waaʼin waneepia kojutuinjachin Jeʼwaa watuma (Flp 4:8).

SÜCHIKIJEE JÜNAJÜIN TÜ VIDEOKOT ¿KASACHE TÜ ANAKAT SÜPÜLA TASHAITÜIN?, JUSOUTA SHIʼIPAJEE TÜÜ:

• 

  ¿Jamüsü wanaawaka tü naainjakat na gladiadore chapuʼukana Roma sümaa tü kasa ashaitünakat maʼin maaʼulu?

• 

  ¿Kasa eeka süpüla naainjain na wawalayuukana süpüla nakaalinjain na jimaʼaliikana jee na majayünnüükana süpüla anain naneekia tü nashaitüinjatkat?

• 

  ¿Jamüshi sükaalinjaka waya tü sümakat Roma 12:9 süpüla waneeküin tü washaitüinjatkat?

• 

  ¿Kasa tü eekat süpüla püshaitüin, pünajüin jee paapajüin, nnojotka mojuin nümüin Jeʼwaa yaa puumainpaʼa?