Wayouta tü kasa mojusü keejiapuʼukat wamüin jee shia waaʼinra tü keeʼireekat naaʼin Maleiwa

3:5-14

¿Kasa piiʼirataka sünain pukuwaʼipa sutuma pikirajaain sünain tü sümakat tü Wiwüliakat? Sutuma wainmain tü puuʼulaakat, talatüsü naaʼin Jeʼwaa pümaa (Eze 33:11). Choʼujaapejeʼe wachajaain maʼin sukuwaʼipa süpüla ayatüin waaʼinrüin tü keeʼireekat naaʼin Maleiwa wapüleerua, suulia waaʼinrüin süchikuaʼa tü kasa mojusü keejiapuʼukat paala wamüin. Pusouta shiʼipajee tü asakinnakalü anain yaa wünaapünaa süpüla piyaawatüin saaʼu tü punoutüinjatkat sünain pukuwaʼipa:

• ¿Jülüjasüche taaʼin waneepia tü kasa mojusü naainjakat tamüin wanee tawala sünain anoujaa?

• ¿Aashichijaashiche taya tashapajaale jee mapüsale taya?

• Süntajaale tekiiruʼu aaʼinraa kasa yarüttüsü, ¿tasünneʼeramaatüinche shia?

• ¿Mojusüche tü jülüjakat taaʼin nachiki na naatakana eʼiruku otta na naatakana oumain?

• ¿Mojusüche tanüiki nümüin wanee wawala jekenainka jee shiale jashichijaain taya nümüin?