Aishii nüpüla Jeʼwaa na wayuu wulekana akuwaʼipa

Ekirajünüshii na tepichikana natuma na kachonshiikana süpüla keisalainjanain naya. Nekirajüin naya sünain oʼolojowaa najapü, sünain oʼoojoo, sünain epitajaa tü miichikat otta ojotoo tü wasuurakat. Chi kamalainkai amüin wuleinjanain waya nia chi Maleiwakai, süka jamüin wulein nukuwaʼipa (Éx 30:18-20; Dt 23:14; 2Co 7:1). Kojutushi wamüin Jeʼwaa wulere waya otta wulere süpüshuaʼa tü kasa wamaʼanakat (1Pe 1:14-16). ¿Wulesüche watuma tü wepiapaʼakat? Eeshii na ojutapunaakana wasuura suluʼupünaa karateerü otta patkeruʼu, aluʼujasaʼa wayakana anoujashiikana wulesü watuma tü mma kepiakalü aluʼu waya (Sl 115:16; Alat 11:18). Keisarale waya, nnojoleerü wojotuin yalapünaa süta karameet, süta tü waraapa wasakat jee shiale wanee chiiküle. Jaʼyainjatü waaʼu sünain nüchepchiain waya Maleiwa sünain süpüshuaʼa tü kasa waainjakat (2Co 6:3, 4).

SÜCHIKIJEE JÜNAJÜIN TÜ VIDEOKOT AISHII NÜPÜLA MALEIWA NA WULEKANA AKUWAʼIPA, JUSOUTA SHIʼIPAJEE TÜÜ:

• ¿Kasache naainjaka waneinnua wayuu süpüla nnojoluinjatüin wulein natuma waneirua kasa eekat namaʼana?

• Sükajee tü Pütchi Aapünakat nümüin Moisés, ¿kasa waaʼinrajatka naashin Jeʼwaa süpüla keisalain waya?

• ¿Jamüshi waʼwaajüinjachika Jeʼwaa sükajee wakuwaʼipa?