KOROLO KOJUTUSÜ SULUʼUKA TÜ WIWÜLIAKAT | GÉNESIS 15-17
¿Jamüsü nuʼwanajaaka Jeʼwaa nünülia Abram otta sünülia Sarai?
Wule akuwaʼipachi Abram noʼuluʼu Jeʼwaa. Süchikijee nüküjain Jeʼwaa sooʼomüin süchiki tü pütchi nüpansaajakat paala nümüin Abram, nuʼwanajaain tü nünüliakat Abram otta tü sünüliakat Sarai. Tü anüliee eʼitaanakat nanain süküjain wanee kasa alatüinjatka mapeena.
Shikiishi Abraham wayuu wainma, eʼirukuu wainma otta suuʼuliwoʼu Sara na aluwataapuʼukana namaiwa.
Abraham
«Shikiishi nia wayuu wainma, eʼirukuu wainma»
Sara
«Nei na sülaülashiikana mma»
Soʼu tü kaʼi jemeika oʼu waya, nnojotsü süpüla waneeküin tü anüliee eʼitaanüinjatkat wanain, eepejeʼe süpüla anain wakuwaʼipa noʼuluʼu na waneinnua maʼaka naainjain shia Abraham sümaa Sara. Püsakira paaʼin sünain tüü:
¿Kasache taaʼinrüinjatka süpüla ayatüin wulein takuwaʼipa noʼuluʼu Jeʼwaa?
¿Ayatüshiche taya aaʼinrüin kasa anasü süpüla anain takuwaʼipa noʼuluʼu Jeʼwaa?