¿Yapashi pia?

Sukutkujaale mma jee süsetüle wüin chaa eere kepiain pia, ¿yapashiche pia süpüla? Müliasü maʼin wayuu süka eejaʼalaa sümüin wawai, sukutkujaain mma, saʼajaain wunuʼu jee süsetüin tü wüinkat. Eesü süpüla shiʼitaanüin wonpa jee saainjünüin kasa mojusü natuma na terroristakana, eein atkawaa otta ayuulii (Ec 9:11). «Nnojoleerü alatüin tia yaa eere kepiain taya», nnojotsü müinjatüin wanüiki.

Wapüshuaʼa wayakana wachajaainjatü sukuwaʼipa süpüla yapainjanain waya süpülapünaa sukutkujaain tü mmakat jee süsetüin wüin (Pr 22:3). Süsetüle wüin jee sukutkujaale mma, eemaatüsü tü nupueulosekat Jeʼwaa sünain akaalinjaa. Nnojotpejeʼe waʼatapajüinjatüin sülatüin tia, yapainjana waya süpülapünaa (Gal 6:5).

SÜCHIKIJEE JÜNAJÜIN TÜ VIDEOKOT TÜ WAAʼINRAJATKAT SÜPÜLA YAPAIN WAYA SUKUTKUJAAPA MMA JEE SÜSETAPA WÜIN, JUSOUTA SHIʼIPAJEE TÜÜ:

• 

  ¿Kasa waaʼinrüinjatka süpüla wakatchinrüin wanoula süpülapünaa süsetüin wüin jee sukutkujaain mma?

• 

  ¿Jamüshii...

  • • ... yootuinjanaka waya namaa na laülaashiikana süpülapünaa, soʼunnaa jee süchikijee süsetüin wüin jee sukutkujaain mma?

  • • ... keraatüjülüinjatka putuma tü choʼujaajeetkat pümüin sukutkujaale mma jee süsetüle wüin? (g17.5-S 6).

  • • ... yootuinjanaka waya jee watüjaainjatka saaʼu tü waaʼinrüinjatkat süsetüle wüin jee sukutkujaale mma?

• 

  Müliale na waneinnua sutuma sukutkujaain mma jee süsetüin wüin eere naya, ¿jarat tü apünüinsükat kasa eeka süpüla waaʼinrüin süpüla wakaalinjain naya?