KOROLO KOJUTUSÜ SULUʼUKA TÜ WIWÜLIAKAT | ÉXODO 10, 11
Meimmoluinsai Moisés nümaa Aarón
Yalayalashaata aaʼinchi Moisés nümaa Aarón süpüla naashajaainjachin nümaa faraón. Faraón, nia chi wayuu kojutukai maʼin atumawaa sainküin mmakat süpüshuaʼa soʼu kaʼikat tia. ¿Jamüshi meimmoluinka Moisés nümaa Aarón? «Jee saaʼujee tü nünoulakat, ajuittüshi suluʼujee Egipto. Nnojoishi sükajeejachin mmoluu seema naashichin chi sülaülakai mma, shia süka jülüjain naaʼin waneepia chi Maleiwakai, mayaashije nnojolin niʼrüin», müsü tü Wiwüliakat nüchiki Moisés (Heb 11:27). Kanoulashi Moisés otta Aarón nünain Jeʼwaa jee neʼitaain naaʼin nünain.
Süpüla waküjain tü wanoujakalü anain nümüin wanee wayuu kojutukai atumawaa, ¿jamüshii meimmoluinjanaka waya?