Nnojo washatüin nakuwaʼipa na manoujainsaliikana

23:1-3

Na anoutakana sukuwaʼipa wanee kasa otta na aküjakana shiimainre sülatüin wanee kasa, nnojoishii jaa müinjanain sümüin tü pütchi aküjünakat yalapünaa. Nüküjain Jeʼwaa tia namüin suluʼu tü Pütchi Aapünakat nümüin Moisés. Na wayuu anoutakana sukuwaʼipa wanee kasa nnojotsü koʼuinjatüin nakuwaʼipa otta na aküjakana shiimainre sülatüin wanee kasa nnojoishii aküjainjanain alawaa. Nnojorüle waaʼinrüin tü namakat na manoujainsaliikana maaʼulu yaa, aneerü wakuwaʼipa. Na manoujainsaliikana nacheküin müinjatüin wakuwaʼipa maʼaka naaʼin nayakana (Ro 12:2).

¿Jamüsü nnojotka anain washatüle nakuwaʼipa na manoujainsaliikana...

• ... süküjünüle wanee perulaa?

• ... waneekapa tü washeʼin wayaʼlajüinjatkat, jamüinjatüin sukuwaʼipa wepeinajaaya, tü washaitakat, tü wanajakat otta tü waapajakat?

• ... waashajaale nachiki na naatakana eʼiruku, akuwaʼipa otta na maʼletsekana?