WAKUWAʼIPA SÜNAIN ANOUJAA
Nnojo püküjain wanee kasa nnojotka shiimain
Atüjaanamaata aaʼu tü alatakat suluʼu wanee mma, sutuma eeitpain periódico, raawia, telewisoot otta Internet. Wayakana aʼwaajakana chi Maleiwa aküjakai tü shiimainkat, nnojotsü waküjeein wanee kasa nnojotka shiimain jaʼitakajeʼe neʼe nnojorüle waainjeein shia (Sl 31:5; Éx 23:1). Walatirüle wanee pütchi nümüin wanee wayuu eesü süpüla anain jee mojuin nukuwaʼipa sutuma. Süpüla pütüjaain saaʼu shiimainre wanee kasa, püsakira paaʼin sünain tüü:
¿Anasüche wanoujale nünüiki chi aküjakai shia wamüin? Eeshii na aküjakana süchiki wanee kasa nnojotpejeʼe natüjaain saaʼu süpüshuaʼa tü alatakat. Tü aküjünakat yalapünaa aʼwanajaa aʼwanajaa müsü. Anasü nnojorüle püküjain wanee kasa nnojorüle pütüjaain saaʼu jaralin kaküjalain shia. Na wayuu nüneekakana Jeʼwaa süpüla wanee aʼyatawaa, eejüinjatü maʼin naaʼin suulia naküjain wanee kasa nnojotka shiimain.
¿Mojuteeiche wanee wayuu sutuma? Mülejeʼe shia nnojotsü waküjainjatüin tia (Pr 18:8; Flp 4:8).
¿Alawaache eera? Eeja paaʼin suulia tü aküjünakat yalapünaa jee shiale wanee kasa müin alawaayaakai saaʼin.
SÜCHIKIJEE JÜNAJÜIN TÜ VIDEOKOT ¡JALIA PIA SAAʼIN TÜ PERULAAKAT!, JUSOUTA SHIʼIPAJEE TÜÜ:
¿Eesüche süpüla mojuin nukuwaʼipa wanee wayuu sutuma tü wamakat saashin Proverbios 12:18?
Suulia waküjain kasa mojusü nachiki na waneinnua, ¿jamüsü anaka jülüjale waaʼin tü sümakat Filipos 2:4?
¿Kasa waaʼinrüinjatka niʼrüiyaale wanee wayuu suluʼu nünüiki jee nnojorüle anain shia?
Waashajaainjachire nüchiki wanee wayuu yalejee, ¿kasa wasakirüinjatka anain waaʼin palajana?