KOROLO KOJUTUSÜ SULUʼUKA TÜ WIWÜLIAKAT | LEVÍTICO 4, 5
Waapa nümüin Jeʼwaa tü saʼanasiainkat wanee kasa
Mayaapejeʼe maʼletsein wanee wayuu chaʼayaa Israel sümaiwa paala, ayatüshia nia asülajüin nümüin Jeʼwaa süpüla anajiraain nia nümaa. Jamüshijaʼa wanee wayuu jaʼitashi maʼletsein nia, asülajüshi nümüin Jeʼwaa süpüla talatüinjatüin naaʼin nümaa. Shiainjatpejeʼe naapüin tü saʼanasiakat wanee kasa. Mayaapejeʼe eein süpüla nasülajüin ariina, tü ariina nasülajüinjatkat shiainjatü tü ariina yütchankalü oʼu. Tia, shia tü süʼlakajaʼawaikat wanee wayuu nayaaluʼu na shiʼiyoukana (Gé 18:6). Mayaapejeʼe isain wachiki waapüin wainma kasa nümüin Jeʼwaa, talatüsü naaʼin waʼwaajapa nia süka süpüshuaʼa waaʼin (Heb 13:15, TNM).
Nnojoluinnapale waʼyataain nümüin Maleiwa maʼakaapuʼu saaʼujee wanee ayuulii jee matchin waaʼin, ¿jamüsü sütütülaaka waaʼin sutuma niyaawatüin Jeʼwaa saaʼu wakuwaʼipa?